Popular Bible Verses from MATHAI 19

Share

Jisu borokno naisigwi hai hwnwi sa kha, “O samungno borok khlai man ya; Kaitor le bebak samung’-no khlaiwi mano.”

Aboni bagwino bórok tei kwnwi li ya, kaisa se. Aboni bagwino Kaitor thepamano borok ta swkak thung.”

Jisu hai hwnwi sa kha, “Norok elembago o kókno pori ya kho diba? yaphango Snamnaisa borokno chwla bai bwrwi khe snamwi hai hwnwi sa kha, ‘Omoni bagwino borok buma bupha bai kagwi bihik bai thansa wngnai, hakhe a kwnwi kaisa wngnai.’

Jisu hai hwnwi sa kha, “Chwrairokno ani thani rohor di, ta kasu di; omo tẃi bororokni bagwino Kaitorni ha.”

Hai phano tabukni swkangrok baksa baksa uklogo tong rwk anw, phiya tabukni uklokrok baksa swkang wng anw.”

Ani bagwi nok huk, takhuk bukhuk, buma bupha, chwrai khonai tei kheto panthor khibinai borok bo abórokno sarani slái kwbáng mannai, mwbo mwthangjak phlainai.

Jisu bono hai hwnwi sa kha, “Nwng kaham wng sukna hwn khe tháng di, nini tong kwrwi bebak’-no phal baiwi a rangno kwrwirokno rw di, hakhe chuknoha-o nini rang khatijak anw. Omo khlai bai khe ani logi phai di.”

Jisu hai hwnwi sa kha, “Nwng tamo wngwi ano kahamni kók sẃng? Khoroksa simi se kaham. Nwng mwthangjakna muchung khe kerong dagimano rákhok di.”

Ang norokno o kókbo sa-o, suchi bwlam tẃi mangingang hapna se lai anw ba, Kaitorni ha-o gwnangrok hapnani aswk lai glak.”

Hakhe ang norokno o kók sa-o, buitali wng ya phano hikno kagwi tei khoroksa bwrwino na khe a borok lupcha wngo.

Aphuru Jisu bini sagrirokno hai hwnwi sa kha, “Ang norokno o kók sa-o, gwnangrok Kaitorni ha-o hapnani belai kutuk wngnai.