Popular Bible Verses from YAPHANG 15

Share

Abram Subraiyungno bwkha bera kha; tei aboni bagwi Subraiyung bono bwkha phurjak kha tei bono borok kaham hwnwi yachak kha.

Aboni ulo khe, Abramno Subraiyung imang-mukthang khe hai hwnwi samano khna kha, “Ta kiri di, Abram, Ang nini phui; nini sokat belai kotor wngnai.”

Tei bo bono phataro tubu-ui hai hwnwi sa phai kha, “Nwng nokha saka bwkhak naisa di tei nwng athukirirokno lekhaui da man nai di.” Hakhe bo bono hai hwnwi sa kha, “Nini bosongbo abo hai’-no wngnai”.

Nai di hai hwnwi Subraiyungni kók bini thani sók phai kha, “O borok nini bosongni manthaino man glak; nini sakni tei okni bwsa se nini bosongni mannanino mannai.”

Hakhe Subraiyung bono hai hwnwi sa kha, “Nini bwsarok buini ha-o phatarni borok wngwi ma tongwinai; bórok aro seleng wngwi ma tongwinai tei bisibrwira belai khe sátokjagwi ma tongwinai

Tamo khe Abram hai hwnwi sa kha, “O Subraiyung Kaitor, nwng ano tamo rwnai, tamni hwn ba ang tabukbo bwsa se kwrwi kho, ani bebakni mannai wngnai le Damaskosni Eliaser se?”

A salo Subraiyung Abram bai hai hwnwi saui swmai tang kha, “Nini bosongrokno ang o hano rw-o; Ijipni twimani simi Uphratis twima jorani harok

Nini bosongrok oro kiphilwi phai ya sini aro bosong kusungbrwi kánai; tamni hwn ba, Amorsarok belai borok hamya wng súgwi majra berjakna nang súk ya sak ang bórokno rwkhlai glak.”