Popular Bible Verses from Matthew 6

Share

Süri neko Pu küde küthi mo Pu kümatho phu mürayite, sülize mha hikohi mütü püh neko sa süto.

Süna neko sühdo rüle lü neko lü kümüzhe hite. Kükrenamoli, tüsonha putho pu kürüh batso tina.

Süna I nekoce po süto, ne külhü hio na dipüh ti mori dipüh kraba teshi küti; mori ne mo na dipüh bemüne ba teshi küti rüleko lü ne lü künyi thi hite; U kürhüro-e kütikükra ceri mo u mo-e khümüne ceri veku mo me?

Süri, noe sho kütice n celüsühku lü die n cekha khayi, die kümükhrühlü küba n Po ce shote. Süze kümükhrüh mütü ngoyo küti n Po putho mi mhüngolü n zhokhro thipüh n prüto.

Süze nekoe sho kütice hibi die shoyiyi te; tüyo küba ha Po N zapo kümüsao thiyite N küde thi vorite Tüyo bi cejü hiri püh n müdo thiyite.

Tha tha va kha ha prüte

Ha mi küjo va küsü bi, ha küjo ri va ha prüte

Ha züh müdoküphilü vo hite, eli küsüo belü ha küla süte. Kükrenamoli, Küde, kuku mo Zapozale sü tülhülü nzüzo tina.

Süze no mi küjo vasü mi prüyo lize tüyo küba ne Pori ne küjo va sü ne prüto.

Tüyo rako pe süte; süko prühyo mo, mo rühriyo mo; mori süh vo ulhacelü künguri yo mo, süzori tüyo küba neko Po süko va thori thisü bayo. Neko-e süko ceri veku mo me?

Silhü mu gitsü poti vayo küti mo kürügomi po rhelü die rügoyi tayo küti cejülü küngu hite. Süziküti-omoli, silhü mori gitsü ri ti müdi vayi külho mo kürügomi ri rhelü rügo yi külho tüyo neko cene künguyi te. Kükrenamoli, n cene kübara nlü ri vo sülü ba tayo tina.

Mi cetami pühri nyepo küna ceta thi küduyi ndi; süzi lize pu mipüh mütsü mo kükreo ngo pü nü tato; mori pu mipüh-o va ta die kükreo the tato. Ne Jihova mo züthokümo cene unyi ceta thi küduyi ndi zo.

Süna Jihova-e nha tha lhüba die südo papüh mephülü müto va kütoko rütso thori thi süyo lize, neko kümülü kütsako, Pu süko ceri neko rütso thiku sü mo to me?

Eli, nekoe mha khaküsüce ne be ne zaco-e khaküsüo ne veco po se hite. Sidie no mhaküsüo kümükhrühlü khasü te, süze kümükhrüh mütü ngoyo küti ne Po-e mi mhüngolü ne zhokhro thipüh ne prüto tina.

Thüma po ngo zo küto na ne mi mhuzülü phikümüzhethoko thizo mo küto lü türüyite; kümosa tüyo küba neko Poo celü ne zhokhro ngoyi lhozo.

Sülibizomoli, neko kümvo tice küthürakütiko bi die ne thusü sa tatahite, süko mi po ngo küto na puko zü thi mükre pu tayo. I neko ce po süto; süko zo-e puko zhokhro ngo bate. Eli, no kümvo kütice tier püh n pi künhüyi mo n zü chu vate. Sidie n kümvo püh thüma po ngo zota moli kümükhrühlü bayo küti n Po po ngote; süzi lize mha kümükhrühko ngoyo küti n Po tho mhulhelü n zhokhro thi n prüto.