Popular Bible Verses from Luk 23

Share

Unre Jisui menkeda, “E baba, ikạkakome, ente bako baḍaea cetʼko cekayeda.” Onko do gulibãṭkate Jisuakʼ kicricʼko hạṭińana.

Jisu do uni roṛ ruạṛadeteye metadea, “Sạrigeń metam kana, am do teheńge Paradesrem iń tulujokʼa.”

Tayomte uni doe menkeda, “E Jisu, amakʼ rajosṭirem ruạṛ hecʼlenre iń hõ disạime baṛe.”

Jisu do ãṭ aṛaṅte hohoateye menkeda, “E Baba amakʼ tire ińakʼ jiwiń jimạyetʼkana.” Ar noae roṛketʼ khan jiwi oḍokentaea.

Ado khạpriko metakʼ jaegako seṭeren khan Jisu ar unkin banar dusi hoṛ hõko krus ketʼkinạ, mitʼ hoṛ do Jisuakʼ jojomti secʼre ar eṭagicʼ do uniakʼ leṅgati secʼre.

Unre tikin khon tarasiń hạbicʼ siń cando do bae marsalleda ar goṭa disạm ńutge tahẽyena. Ar Jerusalem mundil reakʼ orwal do tala talate oṛecʼente bar hạṭińena.

Noa ńelte Romren subedar do Isor sarhaokedeteye menkeda, “Sạrige nui do bin dusạngeye tahẽkana.”