Popular Bible Verses from Aposkạmi 1

Share

Menkhan sonot Jiu apereye hecʼlenre ape do daṛepe ńama, ar Jerusalem, goṭa Jihudạ, Samariạre, hẽ, dhạrti reakʼ mucạtʼ simạ hạbicʼge ińren gohakope hoyokʼa.”

Jisui metatʼkoa, “Okaṭakʼ din se okte Baba do acʼakʼ ektiạrireye dohoakatʼ ona do bape baḍae ocoakana.

Onako oktere mitʼ din Jisu do celako sãoteye tahẽkanre noae hukumatʼko tahẽkana, “Ape do Jerusalem alope bạgiakʼa, bickom ińren Babawakʼ gokʼa oka dan reakʼ katha iń ṭhenpe ańjomakatʼ ona lạgitʼ koyokʼ hor akae tahenpe. Johan do dakʼteye bạptisetʼko tahẽkana, menkhan thoṛa din khange ape do Babawakʼ ona gokʼakʼ lekate sonot Jiutepe bạptis ocokʼa.”

Uni do acʼakʼ duk jom tayom nokoko hoṛ ṭhengeye ńel ocolena ar uni je jiwetʼge menae ona reakʼ ạḍi utạr biswạsteakʼ pormane emakada. Uni do pon gel din hạbicʼ celako ṭhene ńel ocoyente Isorakʼ raj reaṅe lạiatʼko tahẽkana.

Noa kathae lạiatʼko khan celako samaṅrege Jisu doe rakapʼ ocoyena ar mitʼṭen rimil reakʼ danaṅteye calaoena.

Ado Jisu coṭ secʼe rakapʼ calakʼkan tahẽkanre celako do serma secʼko koyokʼ uricʼ akatʼ tahẽkana. Ar unre ponḍ kicricʼ horokʼ akatʼ bar hoṛ do celako ṭhen teṅgoyentekin menkeda, E Gạlilren hoṛko nonḍe teṅgokate serma secʼ do cedakʼpe beṅgetʼ akada? Okoe ape ṭhen khone rakapʼ ocoyen ar cetʼleka sermate calakʼkanpe ńelkede onkage uni doe ruạṛ hijukʼa.”