Popular Bible Verses from TIENKAM 2

Share

Peter niu paliu khuga din-e, “Naliu mai hina pa-nuan nuan gasu maripad lujiu Jesu Khrista zan gasu tadui nphum lulo, sichiusai naliu nuandungse kuak khai bine khatdi naliuniu Tingwang gu kalen Masanbo Hiupuina hai daolune.

Paliuniu ladlangtadmaidung khugasu katijiu chakin thiu khaide, khatdi chakin thiubogu maluad nai kakheng thiubo gase paliu chunkhat thiude.

Paliu mathiuse Masanbo Hiupuina niu phuimide khatdi Hiupuina siniu paliutu npao ngamra pikhaibo jengniu khatniu khat lad gasu npao sude.

Siga simak-dakjiu tingpuk lamsuniu tingkai katanbo hunwangbo kumjiu paliu bambo kyse chakhuan khatniu phuiting mide. Siga chamipuang kumbo khatniu mai hina khuga niataobo paliuniu ngaode. Paliu mathiuse Masanbo Hiupuina niu phuimide khatdi Hiupuina siniu paliutu npao ngamra pikhaibo jengniu khatniu khat lad gasu npao sude.

Naimachangna paliuniu Charakyga phom khat thiujiu wang aruang-e, khatdi paliu ky-ky lam chunwijiu maluadse mai hina chunkhat thiujiu tiu machamjiu bamme. Tingwang tu thuonjiu mai hina chunchamjiu tiu aruang-ruang-e. Sichiujiu naimachangna Rapiu niu rankhai maidungtu paliu phomga pikhai san-sanjiu bamme.

“Tingwang niu din-e: haise Iniu kanambo tingmikga tenkhai rabo-e: Iniu ahiupuina mai hina riga runkiu khaibine. Naliu nahpui—nahpiudungniu aladse dinsune; naliugu chabuan maidungniu madungao ngao sune, khatdi kating maidung siniu chamang mansune.

Malum maidung hina chunkhat thiujiu chakin kawi thiujiu paliugu kabambo hina mathiugu thiujiu bamme. Paliuniu paliugu kabambo maniadung jonlujiu pageng bammaidung leng njan khaijiu bamme.

Sichiujiu Rapiu tu kumai hinatu gukhai bine.’

siga naimikse tamiuwang mine, khatdi chahiuse tazai kumjiu hengwang mine, Rapiu gu kadibo khatdi kendibo Tingmikse wangtang makhaga haidungse padsune.