Popular Bible Verses from ROMAN 3

Share

Nyi mwlwngv nyic nyipa kun hoo Pwnbog ywwt ywwnam hoqgv aadob gaqxar pakun. Hvbmabde Pwnbog anya mwwpal jinyinamv bulam pvlywbo Jisu Kristog galoqkv mwlwngam mwwg lvgab alwb swwm dvb mvpa kun.

Pwnbov nyiam mwwg lvgab alwb swwm dvb mvnam siiloqkam bulv Jisu Kriston mwwjw ko-gab. Hoggab hog asaq ak bepaq sv dooma.

Pwnbov mwam hirin rinnam pagoqkv hvbloqkam mwv sigam gab nyi tulungam bulug nyicam mwam mwwjw ko-gab jidkub nyinum. Pwnbov Kristan hirin rinnamv mwv hoggub nyil nyi tulungam mwwg lvgab kvtaq aldvb mvpa kun ham kaakin dvb nyinum. Kol Pwnbov nyi tulug nyicam cwqbnv kvvmwnum. Hvbmabde sija swnyw-soolog aal so mwv nyi tulug nyicam kaadwn. Ho nyiam mwwg lvgab al dukub mvnam mam kaakin dvn. Hoq hvbkalam Pwnbov mwv dvrwq dvnwk hvl ho nyi vxiam Jisun mwwjw boam mwv jvqtw nyib swwm dvb jidwn.

Hiyvg nyiv akgon kam Pwnbog lvgab kvtaqb jubdub pvvbwg benam mam tal nyis tulungam nyima dvn, pvvbwg bvrwq niqtuqkv hvbloqkam nyiam nyic nyin boam, no nyic nyipa ku hvl kaakin dvb doodwn.

Dvrwqbo potangv bedwn. “Dvrwqbo nyi akjijaqkam dooma. Tacin bo nyi akukam dooma. ho Pwnboam meegaqbo nyi akukam dooma. Nyi mwlwngv Pwnbo galoqkv gaqn kun; hiyvkam albo bon akukam nyinbo dookma. Nyi akin gokam dookma.

Hoggab ngulv cengdwn nyiv mwwjw ko-gab nyiam Pwnbog lvgab al dukub mvpa kun, hvbmabde pvvbwg jinam nyis tulungam nyigam gab ma.

Hvbjaq nyiram; nyi mwlwngv xaalyo bogub nyisjaqkam Pwnbov hvvtwjaqkv. Dvrwqbo potangv bedwn. “No agam beikam jvqtw jaqb benam mam kaakin to. Nam yolu bek nyelho no beya dvb nyiky dvn.”