Popular Bible Verses from MARK 13

Share

Nyi vxiv nulam ngoqg emin gab oyum yumkum tayin. Hvbmabde hiyv nyiv kokw nagub cwql dooyu tayin mwam ywwtayin.

Hoqgab nulv atam hingkub sul dooto, hoggab hoq moodv hwdam haatayin ham nulv cengma do.

Nulam nootul nyel maqpar bool wg yukam nulv hognvkam betayin ham mwwdwq maab, hvbmab hoq moodam nulam hognvkam bedwb jitayin ham nulv beto. Hoggab nulam bedwb jinam agamhv nulug atwg galoqkv ma, hoq tuluhv Dvrwqbo yal galoqkv jitayin.

Swcw nyodongv nyiileq jaqkam noqg agam tulu si nywywngam niiram.

“Hiyvkam hoq moodam hvbmab aalv hwdam haatayin ham cengma dvn, ao gvdag ao gumtw tulu ngvkam ho Ko Tuupv kam cengma dvn, hvbmabde Pwnbo aro cingtwq dvn.

Nulv ogumho nyob panam mam ho aado hoo nyob panam mam tapa tvl nulug hangv mwwkwq-svqwq maab, soq svk nyinam si nyiky dvb nyitayin, hvbmabde hvb nyijaqkam moodv wnya dvn hvl mwwmabv.

Hoqgab hengabl hvvminl dooto, hoggab nam atv hwdam haata yikun ham nulv cengma do, lokam Ariyum mam hvbmab doonyi caalin kalam haakam dvn. Cengma lvpa golo haabnyiloqkam nulv mwam yubngaql doodub kaapa komabv. Hoqgab ngo nulam mwlwngam bedwn, Hengabl kaayal dooto!”

Gvda akwn gvda gon nyob paiyaq minstayin, lvpw akwn lvpw ak gonam patayin, gvda mwlwho nyiobiv hwqtayin, dwr-kanongv wtayin, soq tulu si ko cinc cirabnam hvb nyidwn.

Hvbmabde wd moodv haama daab tugu puiyam nyob luuxig dook agaho bekin dvb nyitayin.

Nyiv ngoqg eminb haal ngoqg puiyam bednvk hvl betayin, ho haal betayin, “Ngo mwv” hoo bulv nyi tulungam vigo sup tayin.

“Nulv atv kam hvvminl hengab dooto. Nulam nootul nyel maqpar boatayin. Nulam Sinagog uraho jwwtayin, nulv gora abwg agaho, lvpw atwg agaho ngoqg emin gab daql bulam tugu puiyam bekin dvb nyitayin.

Hoggab xaalyo bo Kristongv ho xaalyo bo nyiqry benbo tulungv lengtayin. Bulv swrdorxeqb nyimanam mam nyil Pwnbog xuqdumnam nyi tulungam sup dvb nyitayin.

“Hoq hentwr moodv wxo kokwngam doonyiv kaaya tayin kun, poolv kam huukram. Takar tulungv ao toloqgv hol tayin, hoo doa ao tolo nyinamv ok sutayin.