Popular Bible Verses from LUK 8

Share

Ked alko ho hopbo am tulungv agam mam tatwl alwb nyil swwnbo nyi tulug hvbjaq nyidwn.

Taa-haageqho hopbo am tulungv soq sam tanbo nyi tulug hvbjaq nyidwn, hvbmabde bulv swwca yukam nyet nyeram bvla hemp-hengam kvdab nyil swwgam gab bulug vmlywngv niqtuq lengma dvn.

Lwwtaq aoho hopbo am tuluhv soq sam tatwl hemp pol agam mam naanbo nyi tulug hvbjaq nyidwn. Hvbmabde bulug mvvmiangv guugab nan dooma ko-gab, bulv apo gob mwwjw kokw so pooka-yirka moodv haada yukam bulv bwdw hod kun.

Kokw so mwv buu tulungam benum, “Hogloqho nulug mwwjwngv?” Hvbmabde bulv loml hoo bosnum, hoo akwn akwn bemin sunum. “Soq nyi ak si hiyv yu? Mwv gaml jida kalam dooi-issiv kam mwam tado!”

Lamta agaho hopbo am tulu si soq sam tanbo nyi tulug nyinam hvbjaq nyidwn, hvbmabde bulam mwwjw jwwl ywwlinam mam naamram mwwbnv uiyv haabnv bulug hang ura hoqg agam mam naareql wg dukun.

Hoqgab hutob naalin deemanam dvrab haag jijaqkam kvsil dooma dvn, hoq ao hoqgv cengd maanam bvla bepor maadynam dvrab haag jijaqkam dooma dvn.

Ngam cengs duk lanyik mwwnv nyem akv tvmdwr dwrbnv Jisug lvpia lwkw ho geqp kunum. Hoq gabnvl mwn gaqkanum hoo hoggub mwn gaqka kalam ho dara al kunum, ham mwn nyi vcw atwg agaho Jisun mwn gaqkanum hvl bekinnum. Jisu nyem akam benum, “Ngoqg nyem ko, noqg mwwjwngv nam aldvb mwp paku swrsomalob wnku.”

Nyi tulungv Jisug dookub haabnv mwam muu nv benum, “Bir atv, bir atv! Ngulv sisv twqb nyidul doodkun!” Jisu huurab banv cooikab dootwk hvl dooiyam la issam gaml jinum, hoo swrsomalo kunum.