Popular Bible Verses from LUKA 6

Share

Peh unla; khanchu, ipe nîng nin ti. Tiknem pêkin, naminridên ngitkan, soiinîngin, ilêt rakkan nin dong thei loi dôrkan nin kutah ipe nîng nin ti. Mi nin rita pêkna ngirah khan Pathianin nangni rita pêk a ti,” a ti a.

Mi ṭha khan chu a lungsunga thil iṭha a sapsua ngai a, mi sualin chu a lungsunga thil isiahei a sapsua ngai; lungsunga sipliam kha kêng bâiin a îsîr suak ngai.

Nin irâlhei kha lungthlung unla, a chungah thil iṭha tho pêk rei. Imu nôk tûng khâi loiin inritâng rei. Khanchu, loman ilian mûng nin ta, Chungnungtak Pathian naihei nîng nin ti. Ani khan chu lômna châng ria nohei neh mi sualhei khom lung a înkham ngai a nit.

Nin Pan mi lung a înkham ngai angkan nangni khomin mi lung inkham rei.

“Mi sêl no unla, isêlin om no tin u. Mi dem no unla, idemin om no tin u. Mi izâ unla; khanchu, izâ nîng nin ti.

“Ki thu ringaituhei o, nangni chu nin irâlhei lungthlung unla, nangni neltuhei kha an ṭhatna rang tho pêk rei. Vâni nangni sâmtuhei kha ṭhatvur unla, an nuam nangni lotuhei kha ṭongṭai pêk rei.

“Ni chungah min tho seh ni nuamlam angkah takin mi chungah khom tho roh.

Ni mâi ibêntu ziangah kiangtiang khom do pêk sa roh. Ni puan nang ilah pêktu khan ni zakua khom a lâk rang khap no roh. Mîn thil nang an nin chu peh roh, ni ta an lâk khomin ni khâi no roh.

“Thingkung iṭha â râ seh mak a, thingkung isia khom â râ ṭha ngai mak e.

Thingkung chu â râa rithokin ireh thei a nit. Tutên riling bukah theichâng rimal ngai mak a, tûnpôl kungah khom grep irâ rimal ngai mak e.