Popular Bible Verses from JOHANA 19

Share

Khante, Jisuan uain thûr khah a in zoiin chu, “Arzoi tâk e!” a ti a. Khanungchu, a lu â khûn a, a rang a chat tâk a.

Kha rizoiah khan Jisuan thil tinrêng a tlung rikip tâk iti a riat a; Pathian Thubu tlung idikna rangin, “Ki tui arhâl e,” a ti a.

Khante, Jisuan a nu neh a kôla ding kôilôm lung ai thlung khah a mu a, a nu ziangah, “En ta, ni naipa kha,” a ti a. Khante, kôilôm ziang khomah khan, “En ta, ni nu kha,” a ti a. Kha zoroa rithokin chu kôilôm khan a ina om rangin ani khah a ṭhui tâk a.

Khannisela, Jisua kôlah an hongin chu a thi tâk iti an riat a. Khasikin, a kehei kha ikhiak pêk mak a. Sipai khatkan Jisua kângah â feiin a hang sun a, khanzel thisen neh tui a zuang luang suak tâk a.

Pathian Thubûn, “A ru khatkah khom ikhiak ni no nih,” ai ti khah a hong tlung idikna rangin amakhah a hong iom a nit. Pathian Thubu ngirin, “An isunah khah la en an ti,” a ti sa a.

Jisua kha mahni kros riputin, “Luru Mun,” Hebrai ṭong a, “Golgotha,” an iti mun idênin a fe tâk a.

Sipaihei khan riling lukhum an siam a, a lu-ah an inkhum a; khanchu, zakorfual senduk an inhâk a