Popular Bible Verses from Gnàth-fhacal 10

Share

Nì beannachadh an Tighearna saoibhir, agus cha chuir e doilgheas na chuideachd.

Ann an lìonmhorachd bhriathar cha bhithear saor o pheacadh; ach tha esan a chaisgeas a bhilean glic.

Dùisgidh fuath aimhreitean; ach falaichidh gràdh gach coire.

Nì làmh na leisge bochd; ach nì làmh nan dìcheallach beartach.

Tha esan a choimheadeas fòghlam anns an t‑slighe gu beatha; ach tha esan a dhiùltas achmhasan air seachran.

Esan a ghluaiseas ann an ionracas, gluaisidh e gu tèarainte; ach esan a chlaonas a shlighean, aithnichear e.

Cuiridh eagal an Tighearna ri làithean duine; ach giorraichear bliadhnachan nan aingidh.

Cha leig an Tighearna le anam an ionraic gort fhulang; ach sgaoilidh e maoin nan aingidh.

Mar a thèid an iomaghaoth thairis, mar sin cha bhi an droch dhuine nas mò; ach is bunait sìorraidh am fìrean.