Popular Bible Verses from Sailm Dhaibhidh 37

Share

Gabh tlachd an Dia, is bheir e dhut làn rùn do chrìdh' a‑chaoidh.

Do shlighe tabhair suas do Dhia; earb ris, is bheir gu crìch.

Gu sàmhach fan ri Dia nan dùl, is feith le foighid leis; An tì na shligh' a shoirbhicheas, na gabh-sa farmad ris: Fa chùis an fhir a bheir gu buil a dhroch-bheairt innleachdach.

Cuir-sa do dhòchas ann an Dia, is dèanar maitheas leat, Mar sin sìor mhealaidh tu an tìr, 's beathaichear thu gu beachd.

Tha Dia a' stiùradh cheumannan an duine naomha chòir: Is tha e gabhail tlachd is toil da shlighe-san gu mòr. Nan tàrladh dha gun tuiteadh e, cha tilgear tur e sìos: Oir tha an Tighearna le 'làimh ga chumail suas a‑rìs.

Foillsichidh e do chòir 's do cheart, mar sholas glan nan tràth; Is amhlaidh mar àrd-mheadhon-là do bhreitheanas a‑ghnàth.

Leig corraich dhìot, trèig fearg: chum uilc na bi‑sa frionasach.

Bha mise òg, 's a‑nis an aois: is riamh chan fhaca mi Na dhìobrachan an duine còir, No shliochd ag iarraidh bìdh.

Lasan no campar na biodh ort mu dhaoine aingidh olc, Is na gabh farmad ris an dream a bhios a' dèanamh lochd.