Popular Bible Verses from Titus 1

Share

Lawv hais tias lawv yog cov uas paub Vajtswv, tiamsis lawv tsis ua lawv lub neej zoo li cov uas paub Vajtswv ua, lawv yog neeg siab phem thiab tsis mloog leejtwg lus. Koj tsis txhob muab ib txog haujlwm tseemceeb tso rau cov neeg ntawd ua hlo li, rau qhov lawv yeej ua tsis tau.

Cov neeg uas muaj lub siab dawb siab zoo, lawv saib yam twg los puavleej yog yam uas zoo; tiamsis cov neeg siab phem thiab tsis cia siab rau Vajtswv, tej uas lawv saib tsis muaj ib yam uas lawv yuav hais tias yog yam uas zoo, rau qhov lawv lub siab thiab tej uas lawv xav hauv lawv lub siab yeej phem.

Nws yuav tsum muab siab npuab Vajtswv tej lus uas nws twb kawm los lawm. Yog nws ua li ntawd, tej lus uas nws qhia yuav txhawb tau cov uas mloog lub zog, thiab yuav muab cov neeg uas tawmtsam tej lus hais txhaum nthuav rau sawvdaws paub.

Tus thawjcoj uas saib xyuas Vajtswv tes haujlwm hauv pawg ntseeg, yuav tsum yog tus uas tsis tau ua ib yam dabtsi rau luag thuam li. Nws tsis khavtheeb, tsis chim sai, tsis quav cawv, tsis muaj lub siab heev thiab tsis ntshaw luag tug; tiamsis nws nyiam qhua, nyiam qhov zoo, nws tswj tau nws lub siab, nws ua ncaj ncees, nws ua lub neej dawbhuv thiab xyaum ua lub neej zoo.

tus txwjlaug yuav tsum yog tus uas ua lub neej zoo uas tsis muaj leejtwg thuam li; nws muaj ib tug pojniam xwb, nws cov menyuam yuav tsum yog cov uas ntseeg Vajtswv thiab yog cov uas tsis muaj leejtwg thuam hais tias yog neeg lojleeb thiab tawv ncauj.