Popular Bible Verses from Tshwmsim 3

Share

Nej sim mloog saib, kuv sawv sab qhovrooj nraud thiab khob; yog leejtwg hnov kuv khob thiab qhib qhovrooj rau kuv, kuv yuav los hauv tus ntawd lub tsev. Kuv yuav nrog nws noj mov thiab nws yuav nrog kuv noj mov.

Kuv paub tej uas nej twb ua los lawm; kuv paub hais tias nej tsis kub tsis txias. Yog nej yuav kub cia li kub hlo, yog nej yuav txias cia li txias kiag. Tiamsis yog nej sov sem so xwb, tsis kub tsis txias, ces kuv yuav muab nej nti tawm hauv kuv lub qhovncauj mus!

Kuv yeej cem thiab ntuas txhua tus uas kuv hlub, yog li ntawd nej yuav tsum muab siab rau ntseeg thiab tso plhuav nej tej kev txhaum tseg.

Kuv paub tej uas nej ua thiab paub hais tias nej tsis muaj zog pestsawg los nej tseem coj raws li tej lus uas kuv qhia thiab tsis tso kuv tseg. Kuv twb qhib lub qhovrooj rau ntawm nej xubntiag lawm, tsis muaj leejtwg yuav kaw tau.

Kuv yuav pub tus uas kovyeej los nrog kuv zaum ntawm kuv lub zwmtxwv, ib yam li kuv Txiv kom kuv los nrog nws zaum ntawm nws lub zwmtxwv.

Nej hais tias, ‘Peb npluanuj, peb tsis pluag ib yam dabtsi li.’ Tiamsis nej tsis paub, nej twb tsis muaj ib yam dabtsi li! Nej pluag, nej liabqab thiab nej digmuag.

Rau qhov nej ua raws li tej lus uas kuv qhia hais tias nej yuav tsum ua siab ntev, kuv yuav tsomkwm nej tsis pub nej raug tej kev txomnyem uas yuav muaj los thoob plaws hauv qab ntuj no. Tej kev txomnyem ntawd yog tej uas yuav los sim neeg ntiajteb lub siab.

Tshuav tsis ntev no kuv yuav los. Nej yuav tsum khaws tej uas nej muaj lawm cia zoo zoo, thiaj tsis muaj leejtwg txeeb tau nej lub kausmom kub.

Yog li ntawd, nej cia li tsim dheev los, thiab yam uas nej tseem tshuav tuag tsis tau tu siav nej yuav tsum txhawb kom rov muaj zog, rau qhov kuv pom hais tias tej uas nej ua lawm nej tseem ua tsis tau zoo raws li Vajtswv lub siab nyiam.