Popular Bible Verses from Tshwmsim 10

Share

Tiamsis thaum tus timtswv xya tshuab nws lub xyu, Vajtswv yuav ua Vajtswv tes haujlwm uas Vajtswv muab zais cia lawm kom tiav, raws li tej uas Vajtswv twb xub qhia rau nws cov tubtxib thiab cov uas cev Vajtswv lus lawm.”

Tom qab ntawd luag hais rau kuv hais tias, “Koj yuav tsum rov qab qhia Vajtswv Txojlus uas hais txog txhua haivneeg, txhua lub tebchaws, txhua yam lus thiab txhua tus vajntxwv dua ib zaug.”

Tom qab ntawd kuv pom dua ib tug timtswv ceebtsheej uas muaj hwjchim loj kawg nkaus los saum ntuj los. Muaj ib tauv huab qhwv nws thiab muaj ib tug duab zaj vij nws lub taubhau; nws lub ntsejmuag ci ib yam li lub hnub, thiab nws ob txhais ceg zoo ib yam li tus nplaim taws uas cig ntswj pesyos.

Ces kuv txawm mus cuag tus timtswv ntawd thiab thov nws muab thooj ntawv me me ntawd rau kuv. Nws hais rau kuv hais tias, “Koj cia li muab thooj ntawv no noj; thaum koj nqos lawm yuav ua rau koj lub plab iab, tiamsis thaum nyob hauv koj lub qhovncauj mas yuav qab zib ib yam li zib ntab.” Kuv thiaj muab thooj ntawv me me ntawm tus timtswv txhais tes los noj, thaum tseem nyob ntawm kuv qhovncauj mas qab zib ib yam li zib ntab. Tiamsis thaum uas kuv nqos rau hauv plab lawm iab li tus timtswv hais tiag.