Popular Bible Verses from Malakaus 4

Share

Yexus sawv tsees los txwv cua hais tias, “Cia li tu!” Thiab txwv dej hais tias, “Cia li tus.” Ces cua txawm tu thiab dej txawm tsis ntas lawm. Yexus hais rau nws cov thwjtim hais tias, “Vim li cas nej ntshai ua luaj? Ua li cas nej tsis muaj kev ntseeg li?”

Tiamsis lawv ntshai kawg; lawv sib tham hais tias, “Tus no yog leejtwg? Ua li cas cua thiab dej yuav mloog nws lus?”

Yexus rau ncoo pw tsaug zog tom tw nkoj, cov thwjtim txawm los tsa Yexus hais tias, “Xibhwb, koj tsis quavntsej peb li los? Peb twb yuav tuag.”

Yexus hais ntxiv rau lawv hais tias, “Nej yuav tsum ua tib zoo mloog tej uas nej hnov! Nej muab lub luaj li cas luj rau lwm tus, Vajtswv yuav muab lub luaj li ntawd luj rau nej. Tsis yog li ntawd xwb Vajtswv tseem yuav tsub ntxiv rau nej thiab.

Yexus qhia ntxiv hais tias, “Vajtswv lub Tebchaws piv ib yam li ib tug txivneej mus tseb nplej rau hauv nws daim teb. Hmo ntuj nws pw tsaug zog, nruab hnub nws sawv ua haujlwm; hmo ntuj lossis nruab hnub cov noob nplej tuaj kaus thiab pheej hlob zuj zus. Nws tsis paub xyov ua li cas cov nplej txawj hlob li ntawd.

Yog leejtwg muaj pobntseg, cia li mloog!”