Popular Bible Verses from Mathais 27

Share

Kwvlam li thaum peb teev hnubqaij ntawd, Yexus txawm hu nrov-nrov hais tias, “Elis, Elis, lemas xanpathanis?” uas txhais hais tias, “Kuv tus Vajtswv, Kuv tus Vajtswv, vim licas Koj thiaj muab Kuv tsotseg lawm?”

Tamsim ntawd daim ntaub uas thaiv hauv lub Tuamtsev txawm ntuag rhe saum hau ti nkaus rau hauv taw ua ob daig. Lub ntiajteb uazog koog, tej pobzeb pobtsuas tawg zomzaws, tej qhovntxa txawm qhib thiab ntau tus ntseeg Vajtswv uas tuag lawm txawm ciajsia rov los

Yexus rov hu dua ib zaug nrov-nrov, ces Nws txawm tusiav nrho lawm.

Thaum tus thawj tubrog pawg pua thiab cov tubrog uas zov Yexus pom lub ntiajteb uazog koog thiab pom txhua yam uas muaj tshwm los ntawd, lawv ntshai kawg li, lawv sibtham hais tias, “Tseeb tiag lau, tus no yeej yog Vajtswv tus Tub!”

Thaum tavsu, thoobplaws lub tebchaws txawm ciali tsausntuj nti tau peb txoosteev.

Philaj nug lawv hais tias, “Yogli ntawd, nej yuav kom kuv ua licas rau tus Yexus uas hu ua Mexiyas?” Lawv teb tias, “Muab Nws ntsia rau saum ntoo khaublig!” Tiamsis Philaj nug hais tias, “Vim licas? Nws tau ua txhaum dabtsi?” Lawv sawvdaws hajyam qw nrov-nrov hais tias, “Muab Nws ntsia rau saum ntoo khaublig!”