Popular Bible Verses from Mathais 2

Share

Thaum lawv mus rau hauv tsev, lawv pom tus metub thiab Malis uas yog tus metub ntawd niam, lawv txhos caug ntua pehawm tus metub. Lawv thau lawv tej kub, tej tshuaj tsw qab thiab tej roj tsw qab mules hauv lawv cov hnab los pub rau tus metub.

Yexus yug hauv lub nroog Npelehees uas nyob hauv cov Yudais lub tebchaws. Lub sijhawm ntawd Helauj ua vajntxwv kav tebchaws. Tom qab ntawd tsis ntev muaj cov neeg uas txawj saib hnubqub ob peb leeg tuaj sab hnubtuaj tuaj txog hauv lub nroog Yeluxalees. Lawv nug hais tias, “Tus metub uas yuav ua cov Yudais tus vajntxwv, nws yug rau qhov twg? Peb pom nws lub hnubqub uas qhia hais tias, nws yug los lawm tawm tim sab hnubtuaj tuaj, peb thiaj tuaj pehawm nws.”

Thaum lawv pom lub hnubqub ntawd, lawv zoo siab kawg li.

Hmo ntawd lawv ua npau suav pom Vajtswv los hais rau lawv hais tias kom lawv mus lwm txojkev mus tsev tsis txhob rov mus qhia rau Helauj. Thaum cov neeg txawj saib hnubqub rov mus lawm, Yauxej ua npau suav pom tus Tswv ib tug timtswv los hais rau Yauxej hais tias, “Koj cia li sawv thiab coj tus metub thiab nws niam khiav mus rau nram tebchaws Iziv, thiab nyob nrad mus txog thaum uas kuv kom nej mus rau lwm qhov. Rau qhov Vajntxwv Helauj tabtom nrhiav tus metub no tua povtseg.”