Popular Bible Verses from Mathais 14

Share

Tiamsis thaum Petus pom cua ntsawj hlob hlob nws ntshai kawg li, ces nws txawm tog zog rau hauv dej, nws hu nrov nrov hais tias, “Tus Tswv, thov koj pab kuv!” Tamsim ntawd Yexus txawm cev loo tes mus tuav nkaus Petus thiab hais tias, “Ua li cas koj kev ntseeg yuav tsawg ua luaj li! Ua li cas koj tsis cia siab?”

Tiamsis thaum Petus pom cua ntsawj hlob hlob nws ntshai kawg li, ces nws txawm tog zog rau hauv dej, nws hu nrov nrov hais tias, “Tus Tswv, thov koj pab kuv!”

Tamsim ntawd Yexus hais rau lawv hais tias, “Nej tsis txhob poob siab! Yog kuv ntag, tsis txhob ntshai!”

Petus hais tias, “Tus Tswv, yog hais tias yog koj tiag, thov koj hais kom kuv mus tau saum nplaim dej tuaj cuag koj.” Yexus teb hais tias, “Cia li tuaj!” Petus txawm tawm hauv lub nkoj mus kotaw saum nplaim dej mus cuag Yexus.

Cov thwjtim uas nyob hauv lub nkoj txawm txhos caug ntua hawm Yexus thiab hais tias, “Koj yog Vajtswv tus Tub tiag.”

Yexus teb hais tias, “Tsis txhob kom lawv mus, nej cia li muab mov rau lawv noj!” Cov thwjtim teb hais tias, “Peb tsuas muaj tsib lub ncuav thiab ob tug ntses xwb.”

Yexus hais tias, “Cia li muab los rau kuv.” Yexus kom sawvdaws zaum ntawm tej nyom; Yexus muab tsib lub ncuav thiab ob tug ntses los, ces nws tsa qhovmuag saib rau saum ntuj thiab ua Vajtswv tsaug, thiab muab cov ncuav ntais cev rau cov thwjtim thiab cov thwjtim coj mus faib rau sawvdaws noj.

Txhua tus puavleej tau noj tsau huv tibsi. Cov thwjtim mus sau cov ncuav seem uas sawvdaws noj tsis tas tau kaum ob tawb puv nkaus.