Popular Bible Verses from Lukas 5

Share

Thaum nws qhia tas lawm, nws hais rau Ximoos hais tias, “Cia li nquam koj lub nkoj mus rau tom qhov uas tob tob, muab nej lub vas tso rau hauv dej thiaj yuav mag tau ntses.”

Ximoos teb hais tias, “Tus Tswv, peb twb ntaus ib hmo kaj ntug tsis tau ib tug li, tiamsis kuv yuav tso lub vas mus raws li koj hais.” Lawv txawm tso lub vas mus, thiab mag tau ntses ntau kawg li, lub vas yuav luag ntuag.

Tiamsis Yexus pheej mus rau tej qhov chaw uas tsis muaj neeg, thiab thov Vajtswv qhov ntawd.

Kuv tsis yog los hu cov neeg ncaj ncees, tiamsis kuv los hu cov neeg txhaum, kom lawv tso lawv tej kev txhaum tseg.”

Thaum Ximoos Petus pom li ntawd, nws txhos caug ntua ntawm Yexus xubntiag thiab hais tias, “Tus Tswv, thov koj txav deb ntawm kuv. Rau qhov kuv yog neeg txhaum!”

Yexus teb lawv hais tias, “Cov neeg uas tsis muaj mob, lawv yeej tsis mus cuag kws tshuaj, tsuas yog cov neeg muaj mob thiaj mus cuag kws tshuaj xwb.

Lawv sawvdaws rub ob lub nkoj los rau tim ntug, lawv txawm tso txhua yam tseg thiab nrog Yexus mus.

Muaj ib zaug Yexus nyob hauv ib lub nroog. Nyob hauv lub nroog ntawd muaj ib tug mob ruas thoob plaws ibce. Thaum nws pom Yexus, nws txhos caug ntua rau hauv av thov Yexus hais tias, “Tus Tswv, yog koj txaus siab kho kuv tej ruas, koj yeej kho tau!” Yexus cev tes mus tuav nkaus tus ntawd thiab hais tias, “Kuv txaus siab pab koj, koj tej ruas cia li zoo hlo!” Tamsim ntawd nws tej ruas txawm zoo tas huv tibsi lawm.

Tiamsis Yexus lub moo hajyam nrov ncha mus thoob plaws txhua qhov, thiab muaj neeg coob coob tuaj mloog Yexus qhia thiab thov Yexus kho lawv tej mob.