Popular Bible Verses from Yelemis 3

Share

Kuv yuav pub muaj cov nomtswv uas mloog Kuv lus rau nej, lawv yuav tswjhwm nej los ntawm lub tswvyim thiab kev thoobtsib.

Nej txhua tus uas tau tig tawm ntawm tus TSWV mus lawm, ciali rovqab los; Nws yuav kho nej lub siab uas tsis ncaj ntawd kom zoo. Nej teb tias, “Peb yuav rov mus cuag tus TSWV, rauqhov Nws yog peb tus Vajtswv.

Nws hais kom kuv ciali mus hais rau Yixalayees tias, “Yixalayees uas tsis ncajncees 'e, koj ciali rov los cuag Kuv. Kuv yog tus uas muaj kev tabncuab thiab yuav tsis chim. Kuv yuav tsis chim rau koj mus ibtxhis.

Ciali lees hais tias koj tau ua txhaum thiab ntxeevsiab rau tus TSWV uas yog koj tus Vajtswv. Ciali lees hais tias koj tau muab koj txoj kev hlub pub rau lwm haivneeg tej nyuag vajtswv nyob hauv tej qab ntoos ntsuab thiab koj tsis mloog Kuv tej lus. Kuv yog tus TSWV uas hais li ntawd. “Cov neeg uas siab tsis ncaj, nej ciali rov los cuag Kuv; nej yog Kuv teejtug. Kuv yuav xaiv nej cov ib tug hauv ib lub nroog thiab ib xeem twg ob leeg, thiab Kuv yuav coj nej rov mus rau saum lub Roob Xi-oos.