Popular Bible Verses from Yakaunpaus 3

Share

Tiamsis lub tswvyim uas los saum ntuj los yog lub uas zoo kawg nkaus. Lub tswvyim ntawd tsis ntau ncauj, paub cai, hais lus zoo, nrog luag ua phoojywg, hlub lwm tus, muab siab rau ua haujlwm zoo, tsis xaiv leejtwg ntsejmuag thiab tsis zais siab.

Nyob hauv nej cov yog leejtwg txawj ntse thiab totaub. Cia tus ntawd ua nws lub neej kom zoo thiab ua nws tej haujlwm zoo los ntawm kev txo hwjchim thiab muaj tswvyim.

Cov neeg uas ua rau sawvdaws nyob sib haumxeeb, lawv yuav pab tau sawvdaws ua tau neeg ncaj ncees.

Yog muaj kev sib ntxub thiab muaj neeg ntshaw ua tus hlob, yeej yuav muaj kev kub ntxhov thiab yuav muaj ntau yam kev phem.

Peb siv peb tus nplaig ua Vajtswv tus uas yog peb Leej Txiv tsaug, thiab peb siv peb tus nplaig cem tej neeg zejzog. Tej neeg ntawd Vajtswv tsim muaj tus yam ntxwv zoo li Vajtswv. Lo lus ua Vajtswv tsaug thiab lo lus cem neeg puavleej yog tus nplaig hais. Cov kwvtij, tsis tsimnyog yuav muaj li ntawd.

Tus nplaig zoo li hluavtaws. Tus nplaig ua tau rau txojkev txhaum nthuav loj mus thoob plaws yus lub cev. Tus nplaig zes tau hluavtaws hauv ntujtawg los hlawv peb txojsia.

Tiamsis tsis muaj leejtwg cob tau tus nplaig. Tus nplaig phem thiab tswj tsis tau li, nws muaj taug lom neeg tuag.

Cov kwvtij, tsis tsimnyog nej coob leej yuav ntshaw ua xibhwb, rau qhov peb paub hais tias Vajtswv yuav ua tib zoo taug peb cov uas yog xibhwb nruj dua li taug lwm tus.