Popular Bible Verses from Yaxayas 51

Share

Tus TSWV hais tias, “Kuv yog tus txhawb nej lub zog, vim li cas nej yuav ntshai cov neeg uas txawj tuag uas twb tsis muaj sia nyob ntev npaum li tej nyom?

Kuv muab kuv tej lus qhia cob rau nej thiab kuv txhais tes tiv thaiv nej, kuv nthuav lub ntuj thiab pua lub ntiajteb, kuv hais rau cov neeg hauv lub nroog Yeluxalees hais tias, ‘Nej yog kuv haivneeg.’ ”

“Nej cov uas paub txojkev ncaj ncees, nej cia li mloog kuv hais; cov neeg uas khaws kuv txoj kevcai rau nruab siab, nej tsis txhob ntshai thaum neeg thuam thiab saib tsis taus nej

“Tus TSWV yuav nplig cov neeg hauv lub nroog Yeluxalees, thiab cov neeg nyob hauv lub nroog uas raug puastsuaj tas lawm siab, thiab yuav muab lub nroog Yeluxalees tej nras mojsab ua kom zoo li lub Vaj Edees. Yeluxalees tej tiaj suabpuam yuav zoo li tus TSWV lub vaj; yuav muaj kev zoo siab thiab kev kaj siab nyob hauv Yeluxalees, yuav muaj lub suab hu nkauj qhuas kuv thiab ua kuv tsaug.

Cov neeg uas koj twb cawm dim lawm, yuav rov qab los thiab hu nkauj zoo siab hauv lub nroog Yeluxalees, lawv yuav muaj kev zoo siab thiab kaj siab lug mus ibtxhis; kev txomnyem quaj ntsuag thiab kev tu siab yuav tsis raug lawv lawm.