Popular Bible Verses from Yaxayas 45

Share

Kuv yuav muab tej nyiaj uas tau muab zais rau hauv qhov tsausntuj nti uas tsis muaj leejtwg paub rau koj; ces koj yuav paub tias Kuv yog tus TSWV, yog cov Yixalayees tus Vajtswv uas tuav koj lub npe hu koj.

“Kuv yuav ua koj ntej mus kho kev rau koj, thiab muab tej hauv roob nphau kom tiaj sibtxig. Kuv yuav tsoo tej roojloog tooj kom tawg thiab muab tej nqaj hlau txiav kom tu.

“Kuv yog tus TSWV, yeej tsis muaj lwmtus vajtswv li, dhau ntawm Kuv, yeej tsis muaj lwmtus vajtswv li. Txawm yog koj tsis paub Kuv los Kuv yuav pub dagzog rau koj. Kuv ua li no kom txhua tus uas nyob thoob qabntuj thiaj paub tias Kuv yog tus TSWV thiab yeej tsis muaj lwmtus vajtswv li.

Kuv tsim qhov kaj thiab qhov tsaus, Kuv pub kev thajyeeb thiab tso kev puastsuaj los. Kuv, uas yog tus TSWV, yog tus ua tej no.

“Txhua haivneeg uas nyob hauv ntiajteb, ciali tig los cuag Kuv, nej thiaj yuav dim! Kuv ib leeg xwb thiaj yog Vajtswv, yeej tsis muaj lwmtus vajtswv li.

Tus TSWV tau xaiv thiab muab hwjchim rau Xailas ua vajntxwv. Nws tau tsa Xailas ntaus kom yeej ntau haivneeg; Nws txib Xailas mus txo tej vajntxwv tej cuabyeej; tus TSWV yuav qhib ntau lub roojloog rau nws. Tus TSWV hais rau Xailas tias

Kuv tej lus cogtseg yeej yog lus tseeb thiab yeej yuav tsis hloov li. Kuv coglus hais tias txhua tus yuav txhoscaug ntawm Kuv xubntiag thiab txhua tus nplaig yuav lees hais tias lawv yuav ncajncees rau Kuv.

Vim Kuv saib rau Yakhauj uas yog Kuv tus tubtxib, thiab cov Yixalayees uas Kuv tau xaiv tseg lawm, Kuv thiaj tuav koj lub npe hu koj, thiab pub rau koj tau koobmeej, txawm koj tsis paub Kuv los xij.