Popular Bible Verses from Yaxayas 43

Share

Kuv tabtom ua yam tshiab! Saib maj, nimno yam ntawd twb tshwm tuaj lawm; nej tsis pom li lov? Kuv yuav ua ib txojkev mus phua plhawv hauv tiaj suabpuam thiab muaj dej ntws nto hauv lub tiaj suabpuam ntawd.

Thaum nej hla tej dej tob, Kuv yuav nrognraim nej; thaum nej mus hauv dej, dej yuav tsis tshoob nej. Thaum nej mus hauv cov nplaimtaws, hluavtaws yuav tsis kub nej; tej teebmeem uas los raug nej yuav txov tsis tau nej.

Tiamsis tus TSWV hais tias, “Tsis txhob nco txog tej xwmtxheej yav tas los lossis tsis txhob xav txog tej xwmtxheej uas tshwmsim ntev-ntev los lawm.

Cov Yixalayees, tus TSWV uas tsim nej hais tias, “Nej tsis txhob ntshai, Kuv yuav cawm nej. Kuv twb tuav nej npe hu nej lawm, nej yog Kuv tug.

Kuv yuav muab tagnrho txhua haivneeg los txhiv kom tau nej txojsia, rauqhov nej muajnqis rau Kuv heev thiab vim Kuv hlub nej thiab ua kom nej tau ntsejmuag.

Rauqhov Kuv yog tus TSWV, uas yog nej tus Vajtswv, yog cov Yixalayees tus Vajtswv uas dawbhuv, tus uas cawm nej. Kuv muab cov Iziv los ua nqi txhiv nej, muab cov Itiupias thiab cov Xenpas los pauv nej.

Tsis txhob ntshai, Kuv yeej nrognraim nej! “Txij ntua tim hnubtuaj thiab tim hnubpoob Kuv yuav coj nej cov neeg rovqab los tsev.

Txawm li ntawd los, Kuv yog Vajtswv tus uas zam nej lub txim, Kuv ua li no, vim Kuv yeej yog tus ntawd. Kuv yuav tsis cimntsoov nej tej kev txhaum cia.

“Cov Yixalayees, nej yog Kuv cov timkhawv; Kuv xaiv nej los ua Kuv cov tubtxib, kom nej thiaj paub Kuv thiab ntseeg Kuv thiab totaub tias Kuv tibleeg xwb thiaj yog Vajtswv. Dhau ntawm Kuv lawm, yeej tsis muaj dua lwmtus vajtswv; tsis hais yav tas los lossis yav tomntej.

“Kuv tibleeg xwb thiaj yog tus TSWV, Kuv tibleeg xwb thiaj yog tus cawm tau nej.

Kuv yog Vajtswv thiab Kuv yeej yuav yog Vajtswv mus ibtxhis. Tsis muaj ib tug twg yuav khiav dhau Kuv lub hwjchim; tsis muaj ib tug twg yuav hloov tau tej uas Kuv ua ib zaug li.”

Txawm yog tej tsiaj qus los yuav hwm Kuv, tej hma thiab noog ntxhuav los yuav qhuas Kuv, rauqhov Kuv ua kom muaj dej ntws hauv tej nras mojsab qhua rau haivneeg uas Kuv tau xaiv lawm kom tau dej haus. Lawv yog haivneeg uas Kuv tsim los rau Kuv, thiab lawv yuav hunkauj qhuas Kuv!”

Kuv yuav hais rau sab qaumteb kom tso lawv los, thiab sab qabteb kom tsis txhob cheem lawv nyob. Ciali tso Kuv cov neeg uas nyob deb rov los, cov uas nyob tim qabntuj kawg rov los. Lawv yog Kuv haivneeg, Kuv tsim lawv los ua kom Kuv tau koobmeej.”

Tus TSWV hais tias yav tas los Nws tau rhawv ib txojkev phua plhawv hiavtxwv, yog ib txojkev uas tshab plaws hauv tus dej uas ntsawj ceev heev. Nws tau coj ib pab tubrog coob-coob uas muajzog heev mus raug kev puastsuaj, uas yog cov tubrog tsav tsheb nees thiab tej nees. Lawv ntog tag rau hauv dej thiab lawv tsis sawv li lawm, lawv ploj ntshis mus yam li tus nplaimteeb uas tuag lawm!

Kuv yog tus TSWV, yog nej tus Vajtswv uas dawbhuv. Yog tus tsim nej cov Yixalayees thiab yog nej tus Vajntxwv.”