Popular Bible Verses from Yaxayas 40

Share

Nws ntxiv zog rau tus uas qaug zog thiab tus tsaug leeg kom tus ntawd rov muaj zog tuaj.

Txawm yog tej hluas los lawv yeej txawj qaug zog, thiab cov tub hluas los ntog pujpoog; tiamsis cov neeg uas cia siab ntsoov rau tus TSWV yuav muaj zog, lawv yuav nthuav tis ya ib yam li tus dav. Thaum lawv khiav lawv yuav tsis qaug zog, thaum lawv mus kev lawv yuav tsis tsaug leeg.

Nej tsis tau paub dua li los? Nej tsis tau hnov dua li los? Tus TSWV yog Vajtswv tus uas muaj sia nyob mus ibtxhis, nws tsim tagnrho lub ntiajteb no. Nws ibtxwm tsis tsaug leeg lossis qaug zog ib zaug li. Tsis muaj leejtwg paub txog nws lub siab xav hlo li.

Muaj ib lub suab qw hais tias, “Kho kev tom roob mojsab qhua tos tus TSWV! Kho kev tom tiaj suabpuam kom ncaj rau tus TSWV!

Tej nroj yeej txawj qhuav thiab tej paj yeej txawj zeeg; tiamsis peb tus Vajtswv txojlus nyob mus ibtxhis li.”

Thaum ntawd tus TSWV yuav muab nws lub tshwjchim uas ci ntsa iab nthuav qhia rau neeg txhua tus pom. Tus TSWV yog tus hais tej lus no ntag.”

Txhub txhua lub kwjha kom puv, muab txhua lub roob thiab ncov roob khawb kom tiaj; tej qhov zawj muab txhub kom sib txig, thiab muab qhov siab thiab qhov qis pheej kom tiaj xwmyeem.

Nws yuav tu nws pab yaj ib yam li tus tswv yug yaj, nws yuav sau zog tej menyuam yaj los puag rau ntawm nws ob txhais npab, nws yuav muab lawv puag hlo rau hauv nws lub xubntiag, thiab ua siab ntev coj tej yaj uas muaj menyuam mos.

Tsa koj ob lub qhovmuag ntsia saum nruab ntug saib! Leejtwg yog tus tsim tej hnubqub uas koj pom ntawd? Nws coj tej hnubqub ntawd tawm tuaj ua tsheej pab ib yam li pab tubrog, nws paub muaj pestsawg lub thiab nws tis npe rau txhua lub nyias muaj nyias npe. Nws lub hwjchim thiab lub zog kav tej ntawd thiaj tsis muaj ib lub ploj li.

Tus tsim lub ntiajteb no yog tus zaum saum lub zwmtxwv uas siab kawg nkaus; nws tuaj saud ntsia neeg ntiajteb luaj li tus kooj xwb. nws muab lub ntuj nthuav ib yam li daim ntaub qhovrai, thiab nthuav lub ntiajteb zoo ib yam li lub tsevntaub rau neeg nyob.

Txhawb cov neeg uas nyob hauv lub nroog Yeluxalees zog. Qhia rau lawv hais tias lawv twb raug kev txomnyem txaus lawm, thiab nimno kuv twb zam lawv tej kev txhaum tas lawm. Kuv rau txim ob npaug rau lawv tej kev txhaum.”

Muaj ib lub suab qw hais tias, “Cia li qhia rau sawvdaws!” Kuv nug hais tias, “Kuv yuav qhia dabtsi? Qhia hais tias, txhua tus neeg zoo ib yam li tej nroj tsuag; lawv ua neej nyob ntev ib yam li tej paj ntoos xwb. Thaum tus TSWV tshuab pa tuaj ntsawj tej nroj tsuag qhuav, tej paj los yuav zeeg tas; neeg zoo ib yam li tej nroj tsuag ntawd.

Tus TSWV uas yog Vajtswv nrog nws lub hwjchim los thiab nws txhais npab yuav tswjhwm. Nws coj nqi zog los rau cov neeg uas nws cawm dim lawm.

Vajtswv hais tias, “Nplig kuv haivneeg lub siab, nplig lawv siab los mas!

Leejtwg muaj peevxwm muab phoovtes yeem dej hiavtxwv saib hnyav npaum li cas lossis muab nws txhais tes ntsuas tau lub ntuj? Leejtwg muaj peevxwm muab lub ntiajteb no sau los ntim rau hauv khob lossis muab tej hauv roob thiab tej ncov roob los tso rau saum teev luj? Leejtwg thiaj muaj peevxwm qhia tau tus TSWV tus Ntsujplig lossis ua tau nws tus tuavxam uas qhia nws? Vajtswv nrog leejtwg tuavxam kom nws thoob tsib to nrog, thiab leejtwg qhia txojkev ncaj ncees, kev txawj ntse, kev totaub thiab kev paub rau nws?