Popular Bible Verses from Henplais 13

Share

Yuavtsum ceev nej lub neej kom dim ntawm txoj kev ntshaw nyiajtxiag, ciali txaussiab rau yam uas nej muaj, rauqhov Vajtswv hais tias, “Kuv yuav tsis tso koj; Kuv yuav tsis muab koj povtseg ib zaug li.”

Yexus Khetos yeej zooli qub, tsis hais naghmo, hnubno, thiab mus tag ibtxhis.

Yogli ntawd, peb tsis txhob ntshai, peb ciali hais tias, “Tus Tswv yog tus uas pab kuv, kuv yuav tsis ntshai. Leejtwg yuav ua licas tau rau kuv?”

Yuavtsum ncontsoov ua qhov zoo thiab ib leeg pab ib leeg, rauqhov Vajtswv txaussiab heev rau tej khoom fij uas zooli ntawd.

Yogli ntawd, cia peb niajhnub qhuas Vajtswv los ntawm Yexus, uas yog qhov khoom fij los ntawm peb lub ncauj uas lees hais tias Nws yog tus Tswv.

Cia txoj kev sibyuav ua ib yam uas sawvdaws saib taus, thiab ceev lub txaj pw kom dawbhuv. Vajtswv yuav rautxim rau cov uas ua kev nkauj kev nraug, thiab rau cov neeg uas deev luag pojniam luag txiv.

Ncontsoov hu tej qhua los so hauv nej tej tsev. Muaj qeeleej uas ua li ntawd, lawv tostxais tau cov timtswv ceebtsheej los lawv twb tsis paub.

Vajtswv twb tsa peb tus Tswv Yexus sawv hauv qhovtuag rovqab los lawm; Yexus yog tus Tswv Yug Yaj uas zoo kawg nkaus vim Nws cov ntshav yog lub cim nias rau Vajtswv tej lus cogtseg uas yuav nyob mus ibtxhis. Thov Vajtswv tus uas muaj txoj kev thajyeeb pub txhua yam zoo rau nej kom nej ua tau rawsli Vajtswv lub siab nyiam. Thiab thov Vajtswv ua haujlwm los ntawm Yexus Khetos rau hauv peb rawsli Nws lub siab nyiam. Thov kom Khetos tau ntsejmuag mus ibtxhis li! Amees.