Popular Bible Verses from Henplais 10

Share

Sawvdaws yuav tsum tuaj ua ke mloog lus qhuab qhia tsis txhob tso tseg, ib yam li muaj qee leej tau tso tseg lawm. Nej puavleej paub hais tias twb yuav txog hnub uas Yexus rov qab los. Yog li ntawd peb ib tug hajyam yuav tsum txhawb ib tug lub zog heev dua qhov qub.

Peb yuav tsum ua tib zoo xyuas saib peb yuav ua li cas ib tug thiaj txhawb tau ib tug lub zog kom ib tug txawj hlub ib tug thiab ib tug ua zoo rau ib tug.

Tej uas peb qhia hais tias peb cia siab rau, peb yuav tsum muab siab npuab tsis txhob tso tseg, rau qhov peb paub tseeb hais tias Vajtswv yeej yuav ua raws li Vajtswv tej lus cog tseg.

Nej yuav tsum ua siab ntev, nej thiaj yuav ua tau raws li Vajtswv lub siab nyiam thiab tau tej uas Vajtswv coglus tseg hais tias nws yuav muab rau nej.

Yog li ntawd, peb cia li muaj nplooj siab dawb paug los cuag Vajtswv thiab cia siab ntsoov rau nws rau qhov peb paub hais tias Yexus cov ntshav twb ntxuav peb lub siab thiab dej twb ntxuav peb lub cev huv tibsi lawm.

Nej tsis txhob poob siab, yog nej cia siab nej yeej yuav tau nqi zog ntau.

Peb cov uas twb paub tseeb lawm, yog peb tseem txhob txwm ua txhaum dua yeej tsis muaj ib yam dabtsi yuav theej tau peb lub txhoj li, peb tsuas muaj kev txhawj kev ntshai tos rawv hnub uas Vajtswv rau txim thiab muab cov hluavtaws uas kub heev coj los hlawv cov neeg uas tawmtsam Vajtswv xwb.