Popular Bible Verses from Efexaus 1

Share

Kuv thov Vajtswv qhib nej lub qhovmuag siab kom nej pom Nws lub teeb ci, kom nej thiaj paub txog txoj kev ciasiab uas Vajtswv tau hu nej los cuag Nws ntawd, hais tias Nws tej koobhmoov uas Nws tau coglus tseg rau Nws haivneeg yog zoo npaum licas tiag, thiab paub tias Vajtswv lub hwjchim uas ua haujlwm nyob hauv peb cov ntseeg, loj npaum licas. Lub hwjchim uas ua haujlwm nyob hauv peb ntawd twb yog tiblub hwjchim uas Vajtswv siv tsa Khetos sawv hauv qhovtuag rovqab los thiab coj Nws mus nyob ntawm Vajtswv sab xis saum ntuj ceebtsheej. Khetos nyob siab tshaj txhua tus ntsujplig uas kav saum nruabntug, siab tshaj tej uas muaj meejmom, tej uas muaj hwjchim thiab tej vajntxwv; Nws tseem nyob siab tshaj txhua lub npe uas muaj hwjchim hauv ntiajteb no, tsis hais tiam no lossis tiam tomntej huv tibsi.

Thaum tsis tau tsim ntuj tsim teb, Vajtswv twb xub xaiv peb los ua Nws tug los ntawm peb txoj kev koomxeeb nrog Khetos los ua Vajtswv haivneeg lawm, kom peb thiajli dawbhuv thiab tsis muaj ib qho txhaum tabmeeg Vajtswv li. Vim Vajtswv txoj kev hlub, Vajtswv thiaj tau txiavtxim siab hais tias Nws yuav saws peb los ua Nws cov menyuam los ntawm Yexus Khetos, rawsli Vajtswv lub siab nyiam thiab Nws lub homphiaj.

Rauqhov los ntawm Khetos cov ntshav, peb thiaj tau txais kev dim txim, uas yog Vajtswv zam peb lub txim. Vajtswv txoj hmoovhlub loj heev

Peb ciali ua Vajtswv uas yog peb tus Tswv Yexus Khetos Leejtxiv tsaug! Vim qhov uas peb tau los nrog Khetos koom uake lawm, Vajtswv thiaj foom txhua yam koobhmoov ntawm sab ntsujplig uas los saum ceebtsheej ntuj los rau peb.