Popular Bible Verses from 2 Kevcai 5

Share

“ ‘Yuavtsum hwm nej niam nej txiv, rawsli Kuv uas yog tus TSWV, uas yog nej tus Vajtswv, tau xaaj rau nej lawm, kom nej thiaj yuav nyob nyabxeeb thiab muaj txojsia nyob ntev rau hauv lub tebchaws uas Kuv muab pub rau nej.

Coj thiab ua txhua nqe huv tibsi, kom nej thiaj yuav vammeej thiab ua neej nyob ntev rau hauv lub tebchaws uas nej yuav mus nyob ntawd.

Tsis txhob qhau hau lossis pehawm ib tug mlom twg li, rauqhov Kuv yog tus TSWV, uas yog nej tus Vajtswv, Kuv khib nej heev. Kuv yog tus uas rautxim rau cov uas ntxub Kuv, thiab rautxim rau lawv cov xeebntxwv mus txog peb thiab plaub tiam neeg. Tiamsis Kuv yuav qhia Kuv txoj kev hlub rau cov uas hlub Kuv thiab coj rawsli Kuv tej kevcai, mus txog ntau txheeb tiam neeg.

“ ‘Tsis txhob puab tej mlom uas zooli tej uas nyob saum nruabntug lossis tej uas nyob hauv ntiajteb no lossis hauv nruab tivtxwv rau nej.

“ ‘Tsis txhob muaj dua lwmtus vajtswv, tiamsis tsuas muaj Kuv tibleeg xwb.

“ ‘Tsis txhob muab Kuv lub npe siv ua-dog ua-dig, rauqhov Kuv yog tus TSWV, uas yog nej tus Vajtswv, yuav rautxim rau cov neeg uas muab Kuv lub npe mus siv ua-dog ua-dig.

Kheevlam lawv txawj xav li ntawd tas mus li! Yog lawv hwm Kuv thiab mloog Kuv tej lus xaaj, mas lawv thiab lawv cajces yuav vammeej mus tag simneej.

“ ‘Yuavtsum ncontsoov hnub Xanpataus thiab ceev cia ua hnub dawbhuv, rawsli Kuv uas yog tus TSWV, uas yog nej tus Vajtswv tau xaaj tseg rau nej lawm.

“ ‘Tsis txhob ntshaw luag poj luag sev, tsis txhob ntshaw luag vaj luag tsev, luag tej liaj-teb, luag tej tubqhe, luag tej nyuj, luag tej neesluav, lossis ib yam dabtsi uas yog luag tug.’

“ ‘Tsis txhob deev luag pojniam luag txiv.

“ ‘Tsis txhob ua timkhawv cuav tawmtsam nej tej kwvtij zejzog.

“ ‘Tsis txhob tua neeg.

“ ‘Tsis txhob ua tubsab.

Ncontsoov tias nej tau ua luag qhev hauv tebchaws Iziv los lawm, tiamsis Kuv uas yog tus TSWV, uas yog nej tus Vajtswv, tau cawm nej los ntawm Kuv txhais npab uas muaj hwjchim. Vimli ntawd, Kuv thiaj xaaj kom nej yuavtsum ncontsoov Hnub Xanpataus.

Nej muaj rau hnub ua nej tej haujlwm, tiamsis hnub thib xya yog hnub Xanpataus uas yog Kuv hnub so. Hnub ntawd tsis pub leejtwg ua haujlwm li, tsis hais nej, nej tej tub tej ntxhais, tej tubqhe, tej tsiajtxhu, lossis lwm haivneeg uas nrog nej nyob hauv nej lub tebchaws. Nej cov tubqhe los yuavtsum tau so ib yam li nej.

‘Kuv yog tus TSWV, uas yog nej tus Vajtswv, tus uas coj nej tawm hauv tebchaws Iziv uas nej ua luag qhev los.