Popular Bible Verses from Tes Haujlwm 4

Share

Tsis muaj leejtwg cawm tau peb dim peb lub txim, tsuas yog Yexus tib leeg xwb thiaj cawm tau; tsis muaj dua lwm tus uas Vajtswv tso los cawm peb neeg ntiajteb kom peb dim peb lub txim.”

Thaum lawv thov tas, qhov chaw uas lawv nyob ntawd txawm ua zog koog; Vaj Ntsujplig tus Dawbhuv txawm los kav lawv txhua tus lub siab, lawv thiaj muaj lub siab tawv qhia Vajtswv Txojlus.

Tus Tswv, nimno thov koj tsa qhovmuag saib tej uas lawv ua nruj ua tsiv rau peb. Thiab thov koj pab peb cov uas yog koj cov tubtxib kom muaj lub siab tawv qhia koj Txojlus.

Yexus yog tus uas Vajtswv Txojlus qhia tseg hais tias, ‘Lub Pobzeb uas cov kws ua tsev muab povtseg, nimno twb muab lub ntawd los ua lub thawj lawm.’

Thaum lawv pom hais tias Petus thiab Yauhas muaj lub siab tawv teb li ntawd, lawv xav tsis thoob li, rau qhov lawv paub hais tias nkawd yeej tsis tau kawm ntawv. Ces lawv nco dheev txog hais tias nkawd yeej nrog Yexus nyob ua ke.

Cov ntseeg txhua tus puavleej koom ua ib lub siab; lawv nqa lawv tej qhov txhia chaw tuaj tso ua ke ua sawvdaws tug. Tsis muaj ib tug yuav hais tias tej uas nws muaj yog nws li.