Popular Bible Verses from 2 Thexalaunikes 2

Share

Txawm yog li cas los xij, nej tsis txhob cia leejtwg ntxias tau nej li. Rau qhov thaum tseem tsis tau txog hnub uas tus Tswv Yexus rov qab los, yuav muaj neeg sau nthwv tuaj tawmtsam Vajtswv zaum kawg, thiab sawvdaws yuav pom tus uas ua phem ntawd los. Tus ntawd yog tus uas yuav raug kev puastsuaj.

Cov kwvtij uas tus Tswv hlub, peb niaj hnub ua Vajtswv tsaug, rau qhov Vajtswv twb xaiv nej puag thaum chivkeeb los lawm, kom nej tau txais txojkev cawm dim los ntawm Vaj Ntsujplig lub hwjchim thiab ua rau nej ua tau haivneeg uas dawbhuv, vim qhov uas nej ntseeg qhov tseeb.

Nws yuav tawmtsam txhua yam uas neeg pe, thiab tej uas neeg hu ua vajtswv. Nws yuav khav hais tias nws yog tus uas muaj hwjchim loj dua ntais tej ntawd huv tibsi. Tsis yog li ntawd xwb, nws tseem yuav mus nyob hauv lub Tuamtsev, thiab qhia sawvdaws hais tias nws yog vajtswv ntag.

Thov peb tus Tswv Yexus Khetos thiab Vajtswv tus uas yog peb Leej Txiv tus uas hlub peb, thiab txhawb peb lub zog, kom peb muaj kev cia siab mus li, nws yuav nplig nej lub siab thiab txhawb nej lub zog, kom nej ua tau txhua yam zoo, tsis hais tej haujlwm uas nej ua thiab tej lus uas nej hais.

Twb yog li ntawd Vajtswv thiaj cia txojkev dag ntxias los tshoov lawv lub siab kom lawv ntseeg tej uas tsis tseeb.

Dab Ntxwgnyoog yuav txib tus uas ua phem ntawd los, thiab pub hwjchim rau nws kom nws ua tau ntau yam txujci txawv txawv. Thiab nws yuav ua tej yam uas ua rau sawvdaws xav tsis thoob li, tiamsis tej ntawd puavleej tsis tseeb. Nws yuav ua ntau yam kev phem ntxias cov neeg uas yeej yuav raug puastsuaj mus. Cov neeg ntawd yuav raug puastsuaj, rau qhov lawv tsis kam mloog thiab tsis nyiam Txojlus tseeb uas yuav pab tau kom lawv dim lawv lub txim.

Txojkev phem kev qias uas sawvdaws tsis paub, nimno twb pib muaj lawm. Tiamsis yuav tsis muaj tej ntawd mus txog thaum tus uas txwv raug ntiab tawm mus mam li muaj los.