Popular Bible Verses from 2 Kauleethaus 12

Share

tiamsis Vajtswv teb kuv hais tias, “Kuv pom zoo hlub koj ces txaus lawm. Kuv yuav pub kuv lub hwjchim rau tus uas qaug zog.” Vajtswv hais li no, yog li ntawd qhov uas kuv qaug zog ua rau kuv zoo siab kawg li, rau qhov Yexus Khetos lub hwjchim yuav tsomkwm kuv.

Kuv yog tus uas ua Yexus Khetos tes haujlwm, yog li ntawd txawm yog kuv qaug zog, raug luag thuam, raug kev txomnyem, raug kev tsimtxom, raug kev nyuaj siab los kuv yeej zoo siab, rau qhov thaum kuv qaug zog thaum ntawd kuv yuav muaj zog.

Yog kuv xav khav kuv yeej tsis yog neeg ruam, rau qhov tej uas kuv hais puavleej muaj tseeb xwb. Txawm yog li cas los kuv yuav tsis khav, rau qhov kuv ntshai nyob tsam muaj neeg ho yuav qhuas kuv heev. Cia lawv qhuas tej uas lawv pom kuv ua thiab hnov kuv hais xwb. Vajtswv twb ua tej uas zoo kawg nkaus rau kuv pom lawm. Nws ntshai nyob tsam kuv khav heev nws thiaj cia kuv lub cev muaj ib qho mob. Qhov ntawd zoo li dab Ntxwgnyoog ib tug tubtxib uas muab kuv nplawm kom kuv tsis txhob khav.