Popular Bible Verses from 1 Timautes 4

Share

Koj tsis txhob pub leejtwg thuam hais tias koj tseem hluas, tiamsis koj yuav tsum ua koj lub neej rau cov ntseeg xyaum, tsis hais tej lus uas koj hais, tej haujlwm uas koj ua, hlub lwm tus, muab siab rau ntseeg thiab ua neeg zoo.

Yog peb xyaum khiav lossis xyaum ua li ub li no yuav muaj nqis mentsis rau peb lub cev. Tiamsis yog peb xyaum ua raws li Vajtswv txoj kevcai peb lub neej yuav zoo heev, tsis hais niaj hnub no lossis yav tom ntej.

Koj yuav tsum ua tib zoo saib, saib koj ua koj lub neej zoo li cas thiab saib tej uas koj qhia koj qhia li cas; koj yuav tsum ua tej ntawd mus, rau qhov tej ntawd yuav pab tau koj thiab pab tau cov neeg uas mloog koj qhia kom nej dim nej lub txim.

Vaj Ntsujplig qhia tseeb hais tias yav tom ntej yuav muaj qee leej tso Vajtswv tseg. Lawv yuav mus mloog dab tej lus dag thiab ua raws li dab qhia.

Koj tsis txhob mloog tej dabneeg uas sawvdaws niaj hnub hais, tej ntawd tsis muaj qabhau dabtsi thiab tsis yog Vajtswv zaj, koj tsis txhob mloog tej ntawd. Koj yuav tsum ua koj lub neej kom haum Vajtswv siab thiaj zoo.

Koj yuav tsum niaj hnub nyeem Vajtswv Txojlus rau sawvdaws mloog, qhuab qhia thiab cob qhia lawv mus txog thaum kuv tuaj.