Popular Bible Verses from 1 Yauhas 3

Share

Cov menyuam, peb tsis txhob hlub luag ntawm lub ncauj lo lus xwb; tiamsis peb yuav tsum pab lawv, sawvdaws thiaj pom hais tias peb muaj lub siab hlub tiag tiag.

Qhov uas peb paub txojkev hlub yog li no: Yexus Khetos muab nws txojsia los txhiv peb. Yog li ntawd tsimnyog peb yuav tsum zoo siab muab peb txojsia txhiv peb cov kwvtij thiab.

Nej sim ua tib zoo xav saib Leej Txiv hlub peb npaum li cas! Nws hlub peb kawg nkaus li, nws thiaj hu peb ua nws cov menyuam, thiab qhov tseeb peb yeej yog Vajtswv cov menyuam tiag. Twb yog vim li ntawd cov neeg uas tsis paub Vajtswv thiaj tsis paub peb.

Tus uas nyiam ua txhaum, tus ntawd yog dab Ntxwgnyoog menyuam, rau qhov dab Ntxwgnyoog yog tus uas ua txhaum puag thaum chivkeeb los lawm. Qhov uas Vajtswv tus Tub los hauv ntiajteb no twb yog nws los rhuav dab Ntxwgnyoog tes haujlwm.

Tus uas yog Vajtswv menyuam lawm, tus ntawd yeej tsis nyiam ua txhaum, rau qhov nws yog Vajtswv cov noob; thiab Vajtswv yog nws txiv, nws thiaj tsis nyiam ua txhaum.

Yog tus npluanuj pom nws kwv nws tij txomnyem, tiamsis nws tsis quavntsej lawv li, tus ntawd yuav ua li cas hais tau hais tias nws yog tus uas hlub Vajtswv.

Tus uas ua raws li Vajtswv tej lus, tus ntawd yeej nrog Vajtswv sib raug zoo, thiab Vajtswv nrog tus ntawd sib raug zoo. Rau qhov Vaj Ntsujplig tus uas Vajtswv pub rau peb twb qhia li ntawd rau peb paub hais tias Vajtswv nrog peb sib raug zoo lawm.

Tus uas yog Vajtswv menyuam thiab tus uas yog dab Ntxwgnyoog menyuam sib txawv li no: Tus uas tsis nyiam ua ncaj ncees lossis tsis hlub nws kwv nws tij, tus ntawd tsis yog Vajtswv menyuam.

Tej lus uas hais tias peb ib leeg yuav tsum hlub ib leeg, tej lus no nej yeej hnov thaum chivthawj los lawm.

Cov kwvtij, yog tej neeg uas nyob hauv ntiajteb no ntxub nej, nej tsis txhob poob siab.