Popular Bible Verses from 1 Yauhas 1

Share

Tiamsis yog peb lees peb tej kev txhaum rau Vajtswv, Nws yog tus uas ncajncees thiab dawbhuv, Nws yuav zam peb tej kev txhaum thiab yuav ntxuav txhua yam kev txhaum tawm ntawm peb huv tibsi mus.

Tiamsis yog peb ua peb lub neej nyob hauv qhov kaj, ib yam li Vajtswv tus uas nyob hauv qhov kaj, peb ib leeg yeej nrog ib leeg sib raugzoo thiab Vajtswv tus Tub Yexus cov ntshav yuav ntxuav tagnrho peb tej kev txhaum huv tibsi mus.

Yog peb hais tias peb tsis muaj txhaum, ces yog peb rov dag peb xwb, thiab yeej tsis muaj qhov tseeb nyob rau hauv peb li.

Zaj no yog zaj uas peb tau hnov los ntawm Vajtswv tus Tub, peb thiaj muab qhia rau nej hais tias: Vajtswv yog qhov kaj, thiab yeej tsis muaj ib qho tsaus nyob hauv Nws hlo li. Yog peb hais tias peb twb nrog Vajtswv sib raugzoo lawm, tiamsis peb tseem ua peb lub neej nyob hauv qhov tsausntuj, ces yog peb dag xwb, peb yeej tsis ua rawsli qhov tseeb kiag li.

Yog peb hais tias peb tsis tau ua txhaum li, ces peb kuj suav hais tias Vajtswv yog tus dag, thiab Nws Txojlus yeej tsis muaj nyob rau hauv peb kiag li.