Popular Bible Verses from 1 Kauleethaus 6

Share

Nej tsis paub tias nej lub cev yog Vaj Ntsujplig tus Dawbhuv lub tuamtsev no lov? Tus Ntsujplig ntawd nyob rau hauv nej thiab yog tus uas Vajtswv muab pub rau nej. Nej lub cev tsis yog nej li tiamsis yog Vajtswv li; rauqhov Nws tau txhiv nej los ntawm ib tug nqi uas kim kawg li. Yogli ntawd, nej ciali siv nej lub cev ua rau Vajtswv tau ntsejmuag.

Nej tsis paub tias cov neeg uas ua phem yuav tsis muaj feem nyob rau hauv Vajtswv lub Tebchaws no lov? Nej tsis txhob xav yuamkev; cov neeg uas nyiam ua kev nkauj kev nraug, pe mlom, deev luag pojniam luag txiv, cov txivntiav, txivneej deev txivneej, cov ua tubsab, ntshaw luag tug, quavcawv, haislus chob lwmtus thiab ntxo lwmtus, yuav tsis muaj feem mus nyob rau hauv Vajtswv lub Tebchaws li.

Nej yuavtsum khiav tawm ntawm txoj kev nkauj kev nraug. Txhua yam kev txhaum uas neeg ua, yog kev txhaum rau sabnraud ntawm nws lub cev; tiamsis tus uas ua kev nkauj kev nraug yog nws ua txhaum rau nws lub cev.

Qeeleej yuav hais tias, “Kuv yeej muaj cai ua tau txhua yam.” Kuj yog li ntawd thiab ntag; tiamsis tsis yog txhua yam ntawd yuav muajnqis huv tibsi. Txawm yog “Kuv yeej muaj cai ua tau txhua yam,” los kuv yuav tsis cia ib yam twg uas kuv ua ntawd yuam tau kuv ua nws qhev.

Vajtswv twb tsa tus Tswv sawv hauv qhovtuag rovqab los lawm, Vajtswv lub hwjchim yuav tsa peb sawv rovqab los ib yam nkaus thiab.