Popular Bible Verses from 1 Kauleethaus 5

Share

Tiamsis qhov uas kuv sau tsab ntawv no tuaj rau nej, yog qhia kom nej tsis txhob mus koom nrog tus neeg uas nws ua txuj hais tias nws yog tus ntseeg, tiamsis nws tseem nyiam ua kev nkauj kev nraug, ntshaw luag tug, pe mlom, thuam lwm tus, quav cawv thiab ua tubsab. Txawm yog noj mov los nej tsis txhob nrog tus neeg uas zoo li ntawd koom tsum.

Nej yuav tsum muab tej keeb qub uas yog txojkev txhaum tso povtseg, nej thiaj yuav ua tau neeg dawbhuv. Yog nej ua li ntawd, nej thiaj yuav zoo li lub ncuav tshiab uas tsis xyaw keeb; kuv paub hais tias tsis muaj keeb nyob hauv nej lawm. Rau qhov Yexus Khetos uas yog tus menyuam yaj uas luag muab tua ua kevcai Hla Dhau, nws twb tuag theej peb lub txhoj lawm.

Dua li ntawd, kuv tsis yog tus uas yuav txiav txim rau cov neeg uas tsis ntseeg. Tiamsis nej yog cov uas yuav txiav txim rau cov ntseeg. Vajtswv yog tus uas yuav txiav txim rau cov uas tsis ntseeg. Rau qhov Vajtswv txojlus hais tias, “Cia li muab tus uas ua phem ntawd ntiab tawm hauv nej cov mus.”