Popular Bible Verses from Лука 9

Share

Анаң Иисус прайзына теен: – Кем Минің соомҷа парарға итче, ол позынаңар ундут салзын, кірезін алып, Минің соомҷа парзын.

Кем позының тынын ал халарға итче, ол аны чідір салар. Кем тынын Минің ӱчӱн салар, ол аны ал халар.

Кем, холын салдаа сал салып, соонзар хайбағынча, анзы Худай хан-ӱлгӱзіне киліскек кізі нимес, – теен ағаа Иисус.

Прай чир-чалбахты холға алып, че позын чох иттірт алай хыйаллатырт салза, кізее пірее туза пар ба ни зе?

Кем Миннең паза Минің сӧстерімнең уйадар, Кізі Оолғы даа, Позының, Пабазының паза ах-арығ ангеллерінің сабланызында киліп, ол кізідең уйадар.

Тӱлгӱлернің іннері пар, тигірдегі хустарның – уйалары, че Кізі Оолғының, пазын хыйын салып, тынанып алҷаң орны чоғыл, – теен ағаа Иисус.

оларға піди теен: – Мині аарлап, пу паланы позына чағын кирген кізі Мині дее позына чағын итче. Мині позына чағын иткен кізі Мині ысхан Худайны даа позына чағын итче. Кем сірернің араңарда иң кічіг, ол улии пол парар.