Popular Bible Verses from Y-Markôs 13

Share

Jih jang mnuih srăng bi êmut kơ diih kyua anăn Kâo. Ƀiădah hlei pô gĭr tơl knhal tuč srăng tlaih.”

Răng bĕ, dôk kăp dlăng leh anăn wah lač, kyuadah diih amâo thâo hbĭl mông anăn srăng truh.

Tơdah arăng mă jao diih kơ klei phat kđi, đăm diih uêñ êlâo ôh kơ ya klei diih srăng blŭ; ƀiădah blŭ bĕ ya klei bi êdah kơ diih ti mông anăn. Kyuadah amâo djŏ diih pô ôh srăng blŭ, ƀiădah Yang Mngăt Jăk yơh.

Adiê leh anăn lăn ala srăng êgao tuč, ƀiădah klei Kâo blŭ amâo srăng êgao tuč ôh.”

“Ƀiădah bi kơ hruê leh anăn mông anăn, amâo mâo sa čô thâo ôh, wăt phung dĭng buăl jăk hlăm adiê, wăt Anak kăn thâo rei, knŏng hjăn Ama thâo.

Leh anăn tơdah diih hmư̆ ênai klei bi blah giăm leh anăn hmư̆ hing kơ klei bi blah kbưi, đăm rŭng răng ôh. Klei anăn srăng truh, ƀiădah ka truh hruê knhal tuč ôh.

Snăn răng bĕ, kyuadah diih amâo thâo ôh hbĭl khua sang srăng truh, thâodah ti tlam, amâodah ti krah mlam, amâodah ti mnŭ kdjô̆, amâodah ti aguah, huĭdah ñu truh hĕ bhiâo riâo rit leh anăn ƀuh diih dôk pĭt. Klei Kâo lač kơ diih, Kâo lač kơ jih jang mơh: Dôk răng bĕ.”

Sa găp djuê mnuih srăng bi kdơ̆ng hŏng sa găp djuê mkăn, leh anăn sa boh ƀuôn ala mtao srăng bi blah hŏng sa boh ƀuôn ala mtao mkăn. Srăng mâo klei yơ̆ng lăn ala hlăm lu bĭt anôk, leh anăn srăng mâo lu klei ư̆ êpa. Jih klei anăn jing knŏng klei mphŭn dơ̆ng kơ klei ruă kkiêng.

Ƀiădah êlâo kơ hruê knhal tuč arăng srăng hưn klei mrâo mrang jăk kơ jih jang găp djuê mnuih.

Lu mnuih srăng hriê mgưt hŏng anăn Kâo, lač, ‘Kâo gơ̆ yơh,’ leh anăn diñu srăng mplư lu mnuih.

Răng bĕ kơ diih pô, kyuadah arăng srăng jao diih kơ phung khua phat kđi, leh anăn arăng srăng čăm diih hlăm sang bi kƀĭn. Diih srăng dôk ti anăp phung khua čar leh anăn phung mtao kyua Kâo, čiăng jing phung hưn ti anăp diñu.

Srăng mâo lu Krist soh leh anăn lu khua pô hưn êlâo soh. Diñu srăng bi êdah klei bi knăl mdê leh anăn klei yuôm bhăn, čiăng mplư wăt phung Aê Diê ruah leh, tơdah dưi.

“Ƀiădah hlăm ênuk leh êgao klei knap mñai anăn, yang hruê srăng jing mmăt, leh anăn mlan amâo lŏ mtrang mngač ôh. Phung mtŭ srăng lĕ mơ̆ng adiê, leh anăn lu klei myang hlăm êngĭt adiê srăng kpư̆ mgei.