Popular Bible Verses from Y-Mathiơ 9

Share

Leh anăn Yêsu lač kơ phung ƀĭng kna Ñu, “Mâo lu mdiê čiăng wiă, ƀiădah phung wiă jing ƀiă. Snăn yơh, akâo bĕ kơ Pô hma brei Ñu tiŏ nao phung wiă.”

Nao bĕ leh anăn hriăm bi thâo si čiăng lač klei blŭ anei, ‘Kâo čiăng klei pap mñai, amâo djŏ mnơ̆ng ngă yang ôh.’ Kyuadah Kâo hriê amâo djŏ čiăng iêô phung kpă ôh, ƀiădah phung soh.”

Tơdah Ñu ƀuh phung lu, Yêsu mâo klei pap kơ digơ̆, kyuadah digơ̆ jing knap mñai leh anăn klah đuĕ mdê mdê msĕ si biăp amâo mâo mgăt ôh.

Ƀiădah tơdah Yêsu hmư̆ klei anăn, Ñu lač kơ digơ̆, “Amâo djŏ phung suaih asei mlei ôh čiăng kơ aê êa drao, ƀiădah phung ruă duam.

Yêsu hiu hlăm jih jang ƀuôn prŏng ƀuôn điêt, bi hriăm hlăm sang bi kƀĭn, leh anăn mtô klei mrâo mrang jăk kơ ƀuôn ala mtao, leh anăn bi hlao djăp mta klei ruă duam.