Popular Bible Verses from Romanos 9

Share

Y rikꞌin ri keriꞌ xubꞌij, nditzꞌetetej chi ma roma ta jun wineq ndirajoꞌ o nduxikꞌ riꞌ, roma ta riꞌ ndijoyowex ruwech roma ri Dios. Ndijoyowex ruwech xa kin xe roma ri Dios ndirajoꞌ ndujoyowaj ruwech.

Porque ri Dios kereꞌ xubꞌij chare ri Moisés: Ri niwojoꞌ nijoyowaj ruwech, kin nijoyowaj ruwech, y ri niwojoꞌ nipoqonaj ruwech, kin nipoqonaj ruwech, xchajeꞌ.

Pero riyin kereꞌ rutzolixik rutzij niyaꞌ ri ndibꞌiꞌin keriꞌ: ¿Achike kꞌa ok rat pa atzij chin ngachꞌojin chare ri Dios? ¿La ndubꞌij kami jun bꞌambꞌel bꞌanun rikꞌin chꞌabꞌeq chare ri bꞌanayon richin: Achike roma kereꞌ xabꞌen chuwa?

Y rikꞌin ri keriꞌ xubꞌij, nditzꞌetetej chi ri Dios ndujoyowaj ruwech ri wineq ri ndirajoꞌ ndujoyowaj ruwech, y ndukowirisaj ránima ri wineq ri ndirajoꞌ ndukowirisaj ránima.

¿Ma pa ruqꞌaꞌ ta kami ri bꞌanuy bꞌojoꞌy kꞌo chin ndubꞌen ri ndirajoꞌ rikꞌin ri chꞌabꞌeq ndusamajij? Jaꞌn, kin pa ruqꞌaꞌ rijaꞌ kꞌo chin ndubꞌen jun bꞌambꞌel ri nim reqalen chikiwech ri wineq o jun bꞌambꞌel ri maneq ok reqalen.