Popular Bible Verses from Romanos 13

Share

Xa kin tiyaꞌ qꞌij chare ri Ajaw Jesucristo chi ndisamej pa ikꞌaslen chin keriꞌ ri inoꞌoj ndubꞌen qa achel runoꞌoj rijaꞌ. Ma tibꞌen ruwech chi ndibꞌen ri itzel teq rayinik chin ri i-cuerpo.

Ma jun achoq ikꞌin tikꞌojeꞌ ikꞌas, xa kin xe ri ndiwojoꞌ iwiꞌ chiwech tibꞌanaꞌ achel ikꞌas chare. Porque ri ngerajoꞌ ri wineq, kin rubꞌanun cumplir nojel ri ndubꞌij ri ley xyoꞌox chare ri Moisés.

Tinimaj kitzij ri kꞌo uchuqꞌaꞌ pa kiqꞌaꞌ pa ruwiꞌ ri itinamit, porque nixta jun ri kꞌo uchuqꞌaꞌ pa ruqꞌaꞌ ri man ta ja ri Dios yoyon, y konojel ri ekꞌo, ja ri Dios yoyon ri uchuqꞌaꞌ pa kiqꞌaꞌ.

Ri qꞌequꞌ ndeqꞌax yan, y ja ndiseqresan pe. Romariꞌ tiqayaꞌ kan nojel ri itzel teq achike ngeqabꞌanalaꞌ ri kin chin wi ri qꞌequꞌ, y tiqaweqaꞌ qiꞌ rikꞌin ri luz ri kin achel jun tobꞌel nduyaꞌ ri Dios chaqe.

Ri jun ri ndojowan nixta jun itzel ndubꞌen chake ri wineq. Romariꞌ ri jun ri ndojowan, kin qetzij rubꞌanun cumplir nojel ri ndubꞌij ri ley.

Titojoꞌ nojel ri ndikꞌatzin chi nditaj. Chare ri ndimolon xa achike na ruwech impuesto, titojoꞌ kꞌa. Keriꞌ chuqaꞌ ri kin rukꞌulun ndinimex rutzij, tinimaj rutzij. Y ri wineq ri kin nim kiqꞌij, nim kiqꞌij keꞌitzꞌetaꞌ chuqaꞌ rix.