Popular Bible Verses from Efesios 5

Share

Romariꞌ, rix ri rix ralkꞌuaꞌl chik ri Dios y tzꞌan ngixrajoꞌ, tiwoqaj ri utzulej runoꞌoj rijaꞌ. Tikꞌuaj jun kꞌaslen ri ndukꞌut chi ndiwojoꞌ iwiꞌ chiwech, kin achel xojrajoꞌ ri Cristo y xusuj riꞌ pa kamik chuwech ri Dios pa qakꞌexel, y keriꞌ xok jun ofrenda jubꞌubꞌ ruxlaꞌ ri kin xqaꞌ chuwech ri Dios.

Romariꞌ, titzꞌetaꞌ utz-utz ri ndibꞌanalaꞌ pa ikꞌaslen. Ma tibꞌen achel ndikibꞌen ri wineq ri xetal ngetajiyaj rikꞌin, xa kin tikusaj ri utzulej inojibꞌal chin ndibꞌen nojel. Utz rukusaxik tibꞌanaꞌ ri tiempo, porque ri tiempo rojkꞌo wokami, santienta itzel teq achike ngebꞌanaloꞌox.

Ma tiqꞌabꞌarisaj iwiꞌ, porque riꞌ ndubꞌen chiwa chi ma ngixtiker ta ndiqꞌet iwiꞌ chuwech ri itzel teq achike. Pa rukꞌexel riꞌ, tiyaꞌ qꞌij chare ri Espíritu Santo chi ndunojisaj ri iwánima, chin keriꞌ atoq ndimal iwiꞌ pa rubꞌiꞌ ri Ajaw, ndiyalaꞌ ruchuqꞌaꞌ iwánima chiwech rikꞌin salmos, himnos y chꞌaqa chik bꞌix ri nduyaꞌ ri Espíritu Santo pa iwánima. Kixbꞌixan y tiyaꞌ ruqꞌij ri Ajaw rikꞌin nojel iwánima. Y jumul timatioxij nojel chare ri Tataꞌaj Dios pa rubꞌiꞌ ri Qajaw Jesucristo.

Romariꞌ, ma tibꞌen achel ndikibꞌen wineq ri xetal ngetajiyaj, xa kin titijaꞌ iqꞌij tiwetamaj achike ndirajoꞌ ri Ajaw chi ndibꞌen.

Rat achi, tabꞌanaꞌ chare ránima ri awixjayil chi tunaꞌ chi qetzij ndawojoꞌ, achel ri Cristo xojrajoꞌ roj ri ralkꞌuaꞌl ri Dios y xuyaꞌ ri rukꞌaslen pa qakꞌexel.

Jumbꞌey kan, pa qꞌequꞌ xkꞌojeꞌ ri ikꞌaslen, pero wokami roma xe jun ibꞌanun rikꞌin ri Ajaw, ri ikꞌaslen kꞌo pa luz, romariꞌ tikꞌuaj ri ikꞌaslen achel kikꞌaslen ri ekꞌo pa luz.

Tinimaj iwiꞌ chiwech, roma kin kꞌo ruqꞌij ri Cristo pa iwech.

Ri ixaq tunimaj rutzij ri rachijil, porque atoq keriꞌ ndubꞌen, ndiniman chuqaꞌ chuwech ri Ajaw.

Pero tikꞌoxomaj kꞌa chuqaꞌ reꞌ: Rix achiꞌaꞌ, tiwojoꞌ ri iwixjayil, achel ndiwojoꞌ iwiꞌ rix, y ri ixaq tuyaꞌ pa ránima chi ri rachijil kin kꞌo ruqꞌij chuwech.

Romariꞌ, ri rutzij ri Dios ndubꞌij chi ri kꞌajol nduyaꞌ kan rute-rutataꞌ chin ndikikꞌen qa kiꞌ rikꞌin ri rixjayil y chi ekaꞌiꞌ xe jun ndikibꞌen.

Ma titzeq iwiꞌ chupan ri itzel teq achike ngekibꞌanalaꞌ ri wineq ri pa qꞌequꞌ kꞌo kikꞌaslen, porque ri ngekibꞌanalaꞌ ma jun utz ndukꞌen pe. Xa kin titijaꞌ iqꞌij chin ndiqꞌalajrisaj chikiwech chi ma utz ta ri ngetajin rikꞌin.