Popular Bible Verses from Colosenses 3

Share

Tikochꞌolaꞌ iwiꞌ y tikuyulaꞌ iwiꞌ chiwech. Atoq kꞌo jun ndisujun chirij jun chik, kixkuyun achel xixrukuy ri Ajaw.

Tiyaꞌ iwech chirij ri achikejeꞌ chin chikaj, y ma tiyaꞌ iwech chikij ri achikejeꞌ ekꞌo chochꞌulew.

Y xa achike na samaj ngeꞌibꞌen, tibꞌanaꞌ rikꞌin nojel iwánima, kin achel rusamaj ri Ajaw ngixtajin rikꞌin y ma kisamaj ta wineq.

Ri Dios kin rix rojowan wi pe, y xixruchaꞌ chin xixok loqꞌolej rutinamit. Romariꞌ tiweqaꞌ iwiꞌ rikꞌin poqonaxik, rikꞌin chuqaꞌ ndibꞌen utz inoꞌoj, rikꞌin ndiqasaj iwiꞌ, rikꞌin loqꞌ iwánima, y rikꞌin ndikachꞌ nojel ri ndipuꞌun pa ikꞌaslen.

Kin ta xtinoj ri iwánima rikꞌin ri rutzij ri Cristo, y kin ta xtikꞌojeꞌ jumul chiriꞌ. Kin ta xtikusaj nojel ri utzulej nojibꞌel ri pataneq rikꞌin ri Cristo chin nditijoj y ndipixabꞌaj iwiꞌ chiwech. Rikꞌin nojel iwánima keꞌibꞌixaj salmos, himnos y chꞌaqa chik bꞌix ri nduyaꞌ ri Espíritu Santo chiwa chin ngixmatioxin chare ri Dios. Y nojel ri ndibꞌij y ndibꞌen, tibꞌanaꞌ pa rubꞌiꞌ ri Ajaw Jesús, y pa rubꞌiꞌ chuqaꞌ rijaꞌ kixmatioxin chare ri Qatataꞌ Dios.

Y pa ruwiꞌ nojel reꞌ, ndikꞌatzin ndiweq ri ikꞌaslen rikꞌin ri ndiwojoꞌ iwiꞌ, porque ja ri ndiwojoꞌ iwiꞌ ri ndiyuqen ikꞌaslen rix iwonojel chin jabꞌel yalan ndikꞌuaj iwiꞌ.

Rix ri xixkꞌastajbꞌex pe chikikajal ri animaꞌiꞌ junan rikꞌin ri Cristo, tikanoj ri achikejeꞌ chin chikaj ri nduyaꞌ chiwa ri Cristo ri tzꞌuyul pa rikiqꞌaꞌ ri Dios.

Y ri uxlanen ri nduyaꞌ ri Cristo kin ta xtukꞌuaj ri iwánima chiꞌijununal, porque ri Dios xixroyoj chin xe jun iwech ndibꞌen rix iwonojel. Y kixmatioxin chare rijaꞌ.

Romariꞌ, ma tiyaꞌ qꞌij chare ri i-cuerpo chi ndubꞌanalaꞌ ri itzel teq achike ngekibꞌanalaꞌ ri wineq. Ma ndikꞌamalaꞌ qa iwiꞌ xa achoq na ikꞌin chin ndibꞌen mak, ma tiseqꞌaj ri ikꞌaslen pa mak, ma tiyaꞌ qꞌij chi ngixqaqa pa kiqꞌaꞌ ri itzel teq rayinik, ma tiyaꞌ qꞌij chi ri iwánima ndibꞌa chirij ri ma utz ta, nixta kixjamem chirij méra, porque ri ngajamem xa junan rikꞌin ri ndayaꞌ kiqꞌij tiox.

Porque rix xixken yan chuwech ri itzel teq rayinik ekꞌo chochꞌulew, y roma ri xubꞌen ri Cristo, ri ikꞌaslen kꞌo pa ruqꞌaꞌ ri Dios.

Pero wokami tiwelesaj e pa ikꞌaslen nojel ri ma utz ta, achel ri qelqaj ndinaꞌ chare, ri jumul santienta iwoyowal, ri ndinojilaꞌ itzel teq achike chikij chꞌaqa chik, ri chaponik, y ri mal teq tzij ndel pe pa ichiꞌ.

Ma kixreqꞌon chiwech, porque rix xiyaꞌ yan kan ri itzel kꞌaslen xikꞌuaj ojer, y chuqaꞌ xeꞌiyaꞌ yan kan rubꞌanik nojel ri itzel teq achike xeꞌibꞌanalaꞌ. Wokami tiweqaꞌ ri ikꞌaslen rikꞌin ri kꞌakꞌakꞌ kꞌaslen ruyoꞌon ri Dios chiwa. Ri kꞌaslen riꞌ ndubꞌen chare ri ikꞌaslen chi qꞌij-qꞌij ndijalatej bꞌaneq, y más utz ndubꞌen pe chin ndok ri inoꞌoj achel runoꞌoj ri bꞌanayon iwichin. Y keriꞌ ndiwetamaj utz-utz nojel ri achike rijaꞌ.

Rix achiꞌaꞌ, chiꞌijununal keꞌiwojoꞌ ri iwixjayil, y loqꞌ iwánima tibꞌanaꞌ chake.

Rix alkꞌualaxelaꞌ, tinimaj kitzij ri ite-itataꞌ rikꞌin nojel ri ndibꞌen pa ikꞌaslen, porque jariꞌ ri ndiqaꞌ chuwech ri Ajaw.

Rix ixoqiꞌ, chiꞌijununal tinimaj kitzij ri iwachijil, achel rukꞌulun chi ndikibꞌen ri ixoqiꞌ ri xe jun kibꞌanun rikꞌin ri Ajaw.