Popular Bible Verses from Luku 12

Share

'A ‑tɩ, 'aan 'mumu, ba ‑wɛ ‑mɔ, a 'nɩ 'ŋmee 'lɩ, ‑ɛ nu꞊o, ti ‑mʋ', a 'yɛ nɩ di꞊e 'lu ‑mɔ lɛ nɩ ‑hie, 'kɩ 'mɔ ‑bʋ, ‑ɛ mɔ ‑tonyibli a pɛpɛ a Nyiblo, 'n di 'ʋ ‑dii ‑nɩ.»

Dɛ a blɛɛ yɩ ba ‑hie 'lu ‑mɔ lɛ 'a ‑nɛ ti, ɛ nɔ‑ mɔ, Nyɩsʋa bʋ kɔɔ nɛ 'a mʋ win kɩ. Ɛ nɔ‑ di꞊e nu, ɛ 'mʋ 'a mʋ 'aan ‑hʋhʋa‑tɛblɩ a 'mʋ ‑nyi.»

‑Ɛ ‑bɩ kɛ‑ ɛ pɩ nyibli a pɛpɛ a 'mʋ yɩ, ɛ wɛn: «Ba ꞊tu 'aan dɩɔnʋ 'yie, 'kɩ 'ʋ kʋkɔ‑tɛblɩ ‑hʋɔhʋɩ a nʋɛlɛ a ‑ta'. 'Ye ꞊bɩɩ nyiblo 'ble kʋkɔ‑tɛblɩ ‑hʋɔhʋɩ kʋa, ɛ 'yɩ꞊ɩ 'pa‑, ɛ 'yɩ 'a dɩɔnʋ a ‑hʋnhlʋn kʋa 'ble.»

'Nɩ yɩ 'pʋplɛ lɛ nɩ ni, ɛ 'wɩ yɩ, ‑tɛ ‑tonyiblo a kʋkɔ‑tɛblɩ nɩ 'ʋ, 'kɩ 'a ꞊wlʋ nɩ 'ʋ ‑wɛ.»

Ɛ 'yɩ nyiblo ꞊dʋ ‑kɔ, 'kɩ 'lɩ 'a mʋ 'nyɩ, 'a hritilɛ a ‑tɩ, ‑bʋ kɔ 'klɩ, 'kɩ ‑bʋ pʋʋ nɛ 'a ‑nyrɔwɩ a dɛ gbe kɩ, 'kɩ 'nɛ‑ 'klɔ ‑bʋ kɩ.

Kɛ‑ ‑Yusu pɩ 'a ‑nagbopʋ* yɩ de, ɛ wɛn: «Ɛ nɔ‑ nu꞊o, 'nɩ yɩ 'a mʋ ‑lee ‑nɩ: Dɛ ‑bʋ, a di di, kɔ wlawlɩ ‑bʋ, a di pʋ, ‑tɛblɩ a 'mʋ, 'a ‑tɩ, a 'nɩ 'hriti 'lɩ ‑nɩ.

'Aan 'mumu, kɛ‑ nɩ ‑do ɛ ꞊ti 'mʋ: 'Lunyapli nɩ ‑tie ‑bʋ, a ‑kɔ, 'aan 'Baɩ Nyɩsʋa, ɛ ‑hre꞊e nɩ. Ɛ ꞊hɛn 'nyrɛ, ‑ɛ mɔ, a kɔ 'mini dɩakɩ, 'kɩ 'ʋ Nyɩsʋa ye', 'a ‑hi 'ʋ nʋblɩ ‑hʋɔhʋɩ ‑mʋ' 'ʋ. 'A ‑tɩ o, a 'nɩ 'pie 'lɩ ‑tonyibli a hʋannʋ.»

(Kɛ‑ ‑Yusu pɩ 'a ‑nagbopʋ* yɩ de, ɛ wɛn:) «'A mʋ ‑bʋ, ‑ʋ nɛ 'mʋ ‑mɔ, ‑ʋ mɔ 'na nyibli, a 'yɩ ‑hʋ, kɛɛ, a 'nɩ 'pie 'lɩ hʋannʋ. 'Aan 'Baɩ Nyɩsʋa ‑ha 'lɩ 'a mʋ nɩ, ɛ 'mʋ 'a mʋ 'klɔ yrayrʋ ‑nyi.

Ba ta 'ʋ 'maa ‑mɔ lɛ, ʋ 'nɩ 'dɔ꞊ɔ lɩ, kɔ, ʋ 'nɩ 'cɛ꞊ɛ lɩ ꞊dedede, mɔ, 'ʋ 'yɩ ꞊gbi'‑handɛ ‑kɔ, ‑ɛ kɔ 'kwli ʋ di 'lɩ dididɛ lɛ pʋ. Kɛɛ, Nyɩsʋa, ɛ nɔ‑ yɩ ꞊nʋ dididɛ ‑nyi. Kɛɛ, 'a mʋ ‑mɔ ‑bɩ, Nyɩsʋa nʋɛ nɛ 'a mʋ nɩ, 'ɛ ‑hi 'ʋ nʋblɩ 'ʋ. 'A ‑tɩ, ‑tɛ ɛ ni, 'ɛ yɩ nʋblɩ dididɛ ‑nyi, kɛ‑ ɛ di nu, ɛ 'mʋ 'a mʋ dididɛ ‑nyi ‑wɛ.

'A ‑tɩ, a 'nɩ 'hriti 'lɩ ‑nɩ, 'aan 'kwli a ‑gʋtʋ 'nɩ 'nuo 'lɩ 'a mʋ.

‑Piti ‑bʋ, ʋ di ‑hʋan ‑ci, 'tɩ‑ ʋ di ‑hʋan 'tɔ pʋ, 'bʋ mɔ, Nyɩsʋa 'bʋ kɔ bʋ nu꞊o, 'a ‑pui bʋ nɔ yɩ, ꞊bɩ 'a mʋ ‑bʋ, ɛ nʋɛ ‑nɩ, 'a mʋ ɛ 'yɛ nɩ di 'hʋɩlɛpʋ‑tɛblɩ nɩ ‑nyi, 'a mʋ ‑bʋ, ‑ʋ 'yɩ Nyɩsʋa ꞊wlʋ yɩ ‑kuo ‑nɩ ‑tɛɛ?

Ti di 'ʋ 'nɩ nyre, ‑ɛ kɔ 'yri ‑tɩ a ‑tɛɛ di 'ʋ pepe' bi, ɛ kɔ, ‑tɛblɩ nɩ ‑tie ‑mʋ', ‑ʋ ‑hli kɛ, nyibli a pɛpɛ 'mʋ꞊ʋ yi.