Popular Bible Verses from Maliko 15

Share

Mu saa kenda ū Yesu ūlīla n'ilaka itaale alīhaya, “Eloi, Eloi, lama sabaktani?” Ū kūshomelejiwa kwaho gīkī, “Mulungu wane, Mulungu wane, nibūlī wanilekaga?”

Ū ntaale o bashilikale igana, ūyo olī wīmīīla haho hihī, aho wabona waacha gīko ūhaya; “Bing'we ū munhū ng'wenūyū ng'hana olī Ng'wana wa ng'wa Mulungu!”

Hūna ī lisenge lya mu hekalu lyūtandūka kūfuma kwigūlya kūshisha ha sī, lyūlekana habīlī.

Alīyo ū Yesu ūfunya ilaka itaale, ūzumalīka!

Ī līīmi aho lyashika ntwe gatī, shūbiza ho giiti; shīkundīkīja pyī ī sī, kūshisha sa kenda.

Nose ū Pilato ūbona gīkī hambū hambū abayeje a banhū, na ūbataligūlīla ng'hana ū Balaba. Aho wamala kūntūla mbooko ū Yesu, ūntūūla mu makono gabo, gīkī akakong'we ha nsalaba.