Popular Bible Verses from wandījo 50

Share

Na ng'hana ī chene a bing'we ng'walī na ng'hūmbū ja kūnīītīla yabūbi; alīyo ū Mulungu akītūmamīla ī yenīyo kwīta īyo īlīho ī haha; kūpīja būpanga wa banhū bingī.

Nang'hwe ū Yosefu ūbawīla, “Mutoogohage a bing'we muliganika ū nene nalī ha ng'wanya gwa ng'wa Mulungu?

Na lūūlū a bing'we lekagi ū kogoha, ū nene nakūmugunanha pye na a baana bing'we.” Ūbazenga na kūbatimbya ng'holò mu kalūngalūngīle ka kūbalūngūja.

‘Ū Yosefu mulang'wīle gīkī, A bakūlūyo bakakwītīla mibi no ī chene, alīyo nalīkūlomba ūbalekeje ū būkenaagūji wabo, nī shibi īsho bakwītīla.’ Na lūūlū tūlīkwikūmbīlīja ūtūlekeje ī shibi shise a bise batūmami ba ng'wa Mulungu wa ng'wa so.” Ū Yosefu aho wagwigwa ū mhayo gwabo, ūlīla.

Hūna ū Yosefu ūbawīla a baana ba ng'wawe gīkī, “Ū nene nalī hihī kūcha, alīyo namanile hape ū Mulungu akwiza, ang'wīnje ū mu sī yenīyī, amutwale ū kū sī īyo walī wabisagīja ba Abulahamu, Isaka na Yakobo, ūbilahīlīla.”

Ū Yosefu ūbīīta a baana ba ng'wa Isilaeli kūnahīlīla; ūhaya, “Namanile gīkī ū Mulungu akūmugeniha ang'wīnje ū ng'wenūmu; hūna lūūlū mukūgabūūcha na a maguha gane muje nago.”

Hūna ū Yosefu ūzumalīka, alī na būlamu bo myaka igana n'ikūmi. Aho bamala kūgūtūūlīla ū mimba būgota wa kūgūlang'hana gūtizūgunda, būgūtūūla ng'wisandīko mumo Misili.