Popular Bible Verses from Kūfuma 6

Share

Hūna lūūlū bawīlage a Baisilaeli gīkī, ‘Ū nene nalī SEEBA; managi gīkī nakūng'wīnja ū mu būdito bo miligo ya Bamisili, nang'wīnje ū mu būsese wa kūbatūmamīla boi. Nakūgūgoloola ū nkono gwane kūlwa kūmukomoola, nīīte shītīle shitaale sha kūbagwisīja nsango.

Nakūmusola nang'wīte mubize banhū bane, nū nene nabize Mulungu wing'we. A henaho hū mukūdeeba gīkī ū nene nalī SEEBA Mulungu wing'we; ūyo alīng'wīnja mu būsese wa kūbatūmamīla Bamisili.

Na lūūlū nakūng'wenha ū kū sī īyo nakabūūcha nkono nūng'wilahīlīla Abulahamu na Isaka na Yakobo, gīkī nakūng'winha bing'we ībize ying'we ya wikomangīle, ū nene nalī SEEBA.’” Ū Musa ūbawīla ī mihayo yenīyo a Baisilaeli, alīyo batandegelekile, nguno ū būsese walī wabaminya no, kūshisha baalī baagwa ng'holò.

Nang'hwe ū SEEBA ūnshokeja ū Musa, “Alilūūlū ī haha ūkūbona ūmo nalang'wītīle ū Falao; akūbalekela baje kūlwa nguno ya būdūla wa nkono gwane; nīyo akūbapeeja ū mu sī yakwe kūlwa nguno ya būdūla wa nkono gwane.”